სიცოცხლე მინდა ისეთი... - ნინო ახალაშვილი



სიცოცხლე მინდა ისეთი,
არწივს რომ ემგვანებოდეს...
საათი გვქონდეს ისეთი,
წამს წამი არ აკლდებოდეს...

სამშობლო მინდა ისეთი,
მტერთაც რომ ენატრებოდეთ...
საფიცრად გვქონდეს, ის ერთი,
არ დავთმოთ, თუნდაც ვკვდებოდეთ...

ფანდური მინდა ისეთი,
სიმები არა წყდებოდეს...
სულ ჟღერდეს, მამულისათვის,
არასდროს არა ცხრებოდეს...

თვალები მინდა ისეთი,
სულის სიღრმეში წვდებოდეს,
გულს კი, სულ ყავდეს, ის ერთი,
სხვა არვინ არ უნდებოდეს...

სიტყვები მინდა ისეთი,
სულში ნაკვერჩხლად ჩნდებოდეს.
კაცში სიკეთის სურვილი,
არასდროს არა ქრებოდეს!

სინათლე მინდა ისეთი,
უმზეოდ, სული თბებოდეს!
სიცოცხლე მინდა ისეთი,
არავინ არა კვდებოდეს!

სამშობლო გვქონდეს ისეთი,
მტერსაც კი ენატრებოდეს...
და ყველა ადამიანი,
აქ, უფალს ემსგავსებოდეს...

/ ნინო ახალაშვილი /



Loading...

ტექსტის სანახავად გაიარეთ რეგისტრაცია.