ნინო ახალაშვილი - ზოგჯერ ხელი, ჩაკიდული, უნდა გახსნა...



ზოგჯერ ხელი, ჩაკიდული, უნდა გახსნა,
რომ გაიგო, სიყვარული რაფერია...
მცირე, ძაფის მარწუხებიც უნდა ახსნა,
ისევ მოვა, თუკი შენი საფერია...

ფრენა თავადვე ასწავლე, თუ არ იცის,
გაფრინდება, გადაივლის მზიან ველებს...
თუკი იცის, თუ უყვარხარ და ეს იცის
თვალებს ცრემლით არასოდეს დაგისველებს...

იქნებ, ფიქრებს, წარსულისას, უნდათ წაშლა,
აწმყოში რომ თავი აღარ შეგვახსენონ
და ამ ფრთებსაც, მოკეცილებს, უნდათ გაშლა,
რომ ცხოვრებამ ვერასდროს ვერ შეგვაჩეროს...

ზოგჯერ ხელი, ჩაკიდული, უნდა გახსნა,
რომ წავიდეს, ის რაც შენი არ ყოფილა...
რაღად უნდა, ამ ყველაფერს, მეტი ახსნა,
ჩვენი გზები, თურმე, ორად გაყოფილა...

/ნინო ახალაშვილი/



Loading...

ტექსტის სანახავად გაიარეთ რეგისტრაცია.