ნინო ახალაშვილი - ო, სიყვარულო...!



ო, სიყვარულო, შენ წარსული ფორმა რად გინდა?!
ან მომავალში რატომ უნდა იყო სათქმელი?!
მხოლოდ აწმყოში უნდა იყო, სუფთა და წმინდა
და ანათებდე, როგორც ტაძარს უფლის სანთელი...

ო, სიყვარულო, შენ წარსული ფორმა რად გინდა?!
ვინ გყვარებია და ან როგორ გადაგიყვარდა?!
მე, სიყვარულო, შენ მეგონე ამქვეყნად წმინდა,
ახლა კი ამბობ, რაც გიყვარდა ის არც გიყვარდა...

რაღა ვიწამოთ, ეს მითხარი, მხოლოდ და მხოლოდ?!
თუ სიყვარული, არ ერთგული, ფუჭი, ფლიდია...
რისი გვჯეროდეს, რაღას ვენდოთ, ბოლოსდაბოლოს?!
როცა სიცრუე, ორგულობა ძალზე დიდია...

რისი იმედი უნდა გვქონდეს, თუკი უშენოდ,
დავრჩით ამქვეყნად, განწირულნი ვყვებით არაკებს...
დღე არ გათენდეს, უსიცოცხლო და დღე უმზეო
უსიყვარულოდ, წარსულში რომ გვალაპარაკებს....!

/ნინო ახალაშვილი/



Loading...

ტექსტის სანახავად გაიარეთ რეგისტრაცია.