ხევსური



ხევსურმა თვალები მომაპყრო
სად ნახავ დე ასეთ თვალებს…
შორს რომ გაგიტაცებს უსაზღვროდ
სიყვარულს ჩაგაცმევს ტანზე.

აი რომ ჩაივლი გვერდზე და
დაგწვავენ ქართული ჟინით,
მთებს რომ ბურუსებად გადუვლის
თვალები ხევსური ბიჭის.

იფიქრებ რომ სუნთქვა შეგეკრა
და თითქოს რა გინდა მეტი,
თვალები უსიტყვოდ მოგკლავენ
თვალები რომელიც გეტრფის.

მერე სიყვარულში გიტყდება,
სამყაროს გპირდება მთებში,
დე... იყოს პატარა ქოხი და
ვაჟკაცის ცოლობის ხვედრი.

ხო იქ ქართულია სული,კვლავ,
სიწმინდე შემორჩა ბაგეს.
დე… იქ არაგვის პირს სიმღერებს
არვიცი სჯობს კიდევ რამე?!

ველში გამოზრდილი პეპელა
დაჰხარის სამების ტაძარს,
იქ სიამაყეა სუნთქვა და
ღმერთთან სიახლოვის განცდა.

დე... მე ჩემს ჩემოდანს ვალაგებ
ლექსით დაგიტოვებ წერილს ,
„შორს, რომ გამიტაცებს უსაზღვროდ
წერილი ყველაფერს გეტყვის“.




Loading...

ტექსტის სანახავად გაიარეთ რეგისტრაცია.