სასწორი სამხრეთის ცის ზოდიაქური თანავარსკვლავედია, გარემოცული გველიმჭერის, ღრიანკალის. მგლის, ქალწულისა და გველის ხომლით. ივნის-ივლისის უმთვარო ღამეებში კარგად ჩანს ორმოცდაათამდე ვარსკვლავი, მათგან ოთხი კაშკაშა ვარსკვლავი
ქმნის რომბის მოყვანილობის ოთხკუთხედს. საინტერესოა დელტას მიბინდული-ცვალებადი ვარსკვლავი.
სასწორი, უძველესი თანავარსკვლავედთაგანი, ერთადერთია მთელს ზოდიაქოში, რომელსაც არ ჰქვია ცოცხალი არსების სახელი. უკეთ გარჩევის მიზნით ამ ადგილს რუკებსა და ატლასებში სასწორის სახით ხატავენ. მას 2000 წლის წინ შემოდგომის ბუნიობის მიჯნად თვლიდნენ. ეკლიპტიკაზე მზე წერტილებში იდგა 23 სექტემბერს როცა დღე და ღამე თანასწორია, სასწორიც ამიტომ ეწოდა; ეგვიპტელებმა მას მიწათმოქმედების სამუშაოებს უკავშირებდნენ. ბერძნებმა კი სასწორი დაუკავშირეს ზევსისა და მართლმსაჯულების ქალღმერთ თემიდას ასულს დიკეს „სამართლიანობას“ რომელიც დედამიწაზე დაიარებოდა სასწორით ხელში, ცოდვა-ბრალსა დასამართალს ზუსტად წონიდა, შედეგს ზევსს მოახსენებდა და დამნაშავეს მკაცრად სჯიდა. დიკე, „დიოს კურე“ ( ზევსის ასული ) მეტსახელად ასტრეა, „ვარსკვლავქალწული“, ზევსის გვერდით ზის და სასტიკად სჯის სიმართლის გამამრუდებელს ( ესქილეს დიკე პირდაპირ მახვილს უყრის გულში დამნაშავეს). იგი ოქროს საუკუნეში ადამიანთა შორის ცხოვრობდა. მერე, როცა ცხოვრებაც წახდა და სამართალი გაამრუდეს, ოლიმპოზე გადასახლდა.
სასწორი (ლიბრა)
