წერეთელი აკაკი - Tsereteli Akaki

ავტორი: admin თარიღი 10-05-2011, 00:42  |  კატეგორია: მთავარი / ლიტერატურა / პოეზია Banner


იმერული სიმღერა

(Imeruli simgera)

პატარა საყვარელო,

რისთვის მომიკალ გული?

გალიაში გაგზარდე,

ვით მაისის ბულბული.


შაქრით მყავდი გაზრდილი,

შენთვის ვლე კიდის-კიდე!

პატარა საყვარელო,

ცეცხლი რად მომიკიდე?


გული შენ მოგიძღვენი,

სულიც ხომ შემოგწირე!

პატარა საყვარელო,

შენ რაღად დამამცირე?


რომ დამგმე უმიზეზოდ

და გამცვალე სხვაშია;

მიჯობს დამწვა ცეცხლითა,

ან ჩამაგდო ზღვაშია!


პატარა საყვარელო,

ჩემო მკვლელო, უგულო,

გალიაში გაზრდილო,

გაზაფხულის ბულბულო!

1876 წ.


უკან დაბრუნება

(აკაკი წერეთლის შემოქმედება)



Loading...

სიახლეები:

ტექსტის სანახავად გაიარეთ რეგისტრაცია.