მამაკაცის მოხიბვლის ხერხები მისი ზოდიაქოს ნიშნის მიხედვით



მამაკაცის მოხიბვლა ადვილი საქმეა, მისი გრძნობის და სიყვარულის დიდი ხნით შენარჩუნება კი – საკმაოდ რთული! ზოდიაქოს ნიშანი ადამიანის ხასიათზე დიდ გავლენას ახდენს და შესაბამისად, ეს მეცნიერება, რასაც ასტრონომია ჰქვია, ბევრ საჭირო ინფორმაცია გვაწვდის სხვადასხვა საკითხთან დაკავშირებით. გაითვალისწინეთ მათი რჩევები, ვინც ამ საქმის პროფესიონალია და ვინ იცის, იქნებ მამაკაცის გულის დასაპყრობი მარტივი ხერხები პრაქტიკაში გამოგადგეთ.

ვერძი

ვერძებს საკუთარ თავში დარწმუნებული, ქალური, ვნებიანი, კრეატიული და დიპლომატიური ქალები იზიდავთ. თუ დიდი ხნით სურთ ვერძის მზერა თქვენზე შეჩერდეს აგრძნობინეთ, რომ ეჭვი გეპარებათ მის სიმამაცეში, იცინეთ მის გულუბრყვილობაზე, გააღვიძეთ მასში აგრესია, აეჭვიანეთ, გააკონტროლეთ ის და იყავით მეტად ენერგიული.

კურო

მაცდუნებლად მომხიბვლელი, ერთგული, ნაზი, გაწონასწორებული, მშვიდი ქალი კუროს თავს ნამდვილად ადვილად შეაყვარებს. თუმცა მათი შენარჩუნება არც ისე მარტივია, ამიტომ, თუ თქვენი მიზანი სწორედ ესაა, კატეგორიულად აიკრძალეთ სხვა მამაკაცებზე ლაპარაკი, მისი შემოსავლის ფლანგვა, დიდი ხნით მისი მარტო დატოვება და სიცილი, როცა ის პირველ სიყვარულზე გესაუბრებათ.

ტყუპი

კარგი ფანტაზიის უნარი, კრეატიული, არასტანდარტული და კომუნიკაბელური უნდა იყოს ქალი, რომელიც კირჩხიბს მოხიბლავს. მათ არ უყვართ, როცა გოგონა ზედმეტად სერიოზულია, აშინებთ მესაკუთრეები და ისინი, ვისთან ერთადაც მათ თავისუფლებას საფრთხე ემუქრება. ტყუპების შეზღუდვა დაუშვებელია, თუმცა მათი გატაცებების მიმართ გულგრილობაც არ უნდა შეგეტყოთ. რაც მთავარია, არასოდეს გამოთქვათ უკმაყოფილება ტყუპი მამაკაცის ზედაპირული ხასიათის გამო.

კირჩხიბი

კირჩხიბებს რომანტიული, ნაზი, ემოციური, მეოჯახე და მზრუნველი ქალები უყვარდებათ. მათ ინტერესს დიდი ხნით შეინარჩუნებთ, თუ სენტიმენტალური ხასიათის გამო არ დასცინებთ, იქნებით თბილი, არ დატოვებთ ყურადღების გარეშე და არ იტყვით ცუდს მის ოჯახის წევრებზე, განსაკუთრებით, დედაზე!

ლომი

ლომის ქალბატონი მუდამ ფორმაშია, კარგად მოვლილი, პრეზენტაბელური, თავდაჯერებული, დიდსულოვანი, გულუხვი, ვნებიანი და გულწრფელი. ლომებს არ მოსწონთ ტყუილი, მეწვრილმანეობა და ურთიერთობაში დომინანტობის სურვილი ქალის მხრიდან. ლომი სხვა მამაკაცების მიმართ თუნდაც პროფესიული პატივისცემის გამოხატვასაც კი არ გაპატიებთ. თუ არ გსურთ მისი დაკარგვა, ნუ ეცდებით ღიად ეკამათოთ.

ქალწული

ქალწულებს გაწონასწორებული, მოწესრიგებული, დისციპლინირებული, საიმედო და ბუნებრივი ქალები მოსწონთ. ქალწულის ინტერესის წლების განმავლობაში შესანარჩუნებლად უარი თქვით მისი ფინანსების ფლანგვაზე, მოუწესრიგებლობაზე, ზედმეტი პრეტენზიების გამოთქმაზე, ტყუილზე და არაგულწრფელობაზე. იყავით ნამდვილი – ის რაც ხართ და ნურასოდეს ითამაშებთ!

სასწორი

პრინციპული, დახვეწილი, გლამურული, ნაზი, დიპლომატიური, ტაქტიანი და ელეგანტურია ქალი, რომელიც სასწორს აუცილებლად შეუყვარდება. იმისთვის კი, რომ მან მამაკაც-სასწორთან ურთიერთბა დიდი ხნით შეინარჩუნოს უნდა აიკრძალოს მისთვის სკანდალების მოწყობა, მისი სისუსტეების საჯაროდ განხილვა, ზეწოლა მასზე გადაწყვეტილებების მიღებისას, უხეშობა, მისგან მუდმივად ზრუნვის და ყურადღების მოთხოვნა. ასეთია სასწორის პირობები, თუ გიღირთ და შეძლებთ – მათი გონება თქვენით დიდ ხანს იქნება მოცული.

მორიელი

იდუმალი, არაპროგნოზირებადი, ვნებიანი, ფიცხი, ტემპერამენტიანი, ზოგჯერ აბსოლუტურად უმართავი – ას არის ქალი, რომელიც მორიელს გონებას მარტივად აურევს. მისი გრძნობების დაცინვა, მოტყუება და სახალხოდ გაკრიტიკება კი ცუდ შედეგამდე, დაშორებამდე მიგიყვანთ. არასოდეს უთხრათ მორიელს უარი სექსზე და ეცადეთ ზოგჯერ დაუთმოთ მას.

მშვილდოსანი

დამოუკიდებელი, მომთმენი, გამჭრიახი, სულით მუდამ ახალგაზრდა და თავგადასავლების მოყვარული ქალბატონები მშვილდოსნებს ძალიან მოსწონთ. იმისთვის კი, რომ მამაკაც-მშვილდოსანს დიდი ხნით შეაყვაროთ თავი უარი თქვით მისი თავისუფლების შეზღუდვაზე, მასზე კონტროლის დამყარების მცდელობებზე, მისი მისამართით კრიტიკაზე, მისით მანიპულირებაზე და ნურასოდეს დაკმაყოფილდებით მოსაწყენი, მონოტონური ცხოვრებით.

თხის რქა

თავმოყვარე, ძლიერი სულის, ღირსეული მანერების მქონე და ბუნებრივი – ესაა თხის რქის მოთხოვნები, რომ მას ქალი შეუყვარდეს. ამის შემდეგ კი მთავარია თავი არ მოაბეზროთ, არ იყოთ უპასუხისმგებლო, დაინახოთ და ფრთხილად აღნიშნოთ მისი ღირსებები, არ შეადაროთ სხვას და არ იაროთ მუდმივად მის ჭკუაზე .

მერწყული

მერწყულის რჩეული გულწრფელი, მომთმენი, ტაქტიანი, მეგობრული, ორიგინალური და ცნობისმოყვარეა.
ქალმა მას დამოუკიდებლობა არ უნდა შეუზღუდოს, არ უნდა იცინოს მის იდეებზე, არ უნდა გააბას ფლირტი სხვასთან და არ უნდა გააკრიტიკოს მისი მეგობრები. მათ არც ერთფეროვანი ცხოვრება მოსწონთ, ამიტომ ეცადეთ, მერწყულს სიახლეებიც შესთავაზოთ.

თევზები

თევზებს გულისხმიერი, დელიკატური, ნაზი, დახვეწილი და პრინციპული ქალები ხიბლავთ.
უხეშობა, ცინიზმი, კრიტიკა და ემოციური სიცივე მათთან მიმართებაში დაუშვებელია.

წყარო: lollipop.ge






Loading...

ტექსტის სანახავად გაიარეთ რეგისტრაცია.