კირჩხიბი (კანცერ)



შუა საუკუნეების გენიალური პოეტი დანტე თავისი „ღვთაებრივი კომედიის“ სამსავე დიდ ნაწილს ვარსკვლავების ხილვით ამთავრებს: „და გამოვედით, რომ გვენახა კვლავ ვარსკვლავები“. ზოდიაქოზე კი ერთგან წერს: „უკვე აენთო ჰორიზონტზე
თევზის ნიშანი და თითქოს ეტლის ზოდიაქო შთავიდა ჩრდილოს“ სხვა პოეტებიც, და ასტრონომებიც, უკეთ დამახსოვრების მიზნით, „ასტრალური პოეზიის“ ბევრ ნიმუშს გვთავაზობენ. ცის თაღის „ ასტრალურ ცხოველთა სამყაროს“ ერთ-ერთი ნიმუშია კირჩხიბი ანუ კიბო (ლათინურად კანცერ). თანავარსკვლავედი, რომელსაც „მხეცთა წრეში“ საკმაოდ დიდი სიცარიელე უნდა შეევსო, შედარებით მცირეა და პტოლემეოსმა ის თავის ცხრილში შეიტანა. ბერძნებმა დაახლოებით 2000 წლის წინ მას უწოდეს იმ კიბორჩხალას სახელი, რომელიც ლერნეს ჰიდრასთან მებრძოლ ჰერაკლეს მუხლებზე ჩააფინდა და იოლაოსმა მოკლა იმ ჭაობში, საიდანაც ამობობღდა, ჰერამ კი ჰერაკლეს სიძულვილით ცის თაღზე მოათავსა, რითაც ქმარს - ზევსს წყენა მიაყენა.
კიბორჩხალას მკერდზე ჩანს ნისლეული,რაც სინამდვილეში ასამდე ვარსკვლავის გროვაა და პირველი მეცნიერული დაკვირვება გალილეიმ მოახდინა. ბერძენმა ამ ნისლეულს უწოდა „კრიპპე“, დაფარული ადგილი, იგივე „ბაგა“, ხოლო ირგვლივ განლაგებული ვარსკვლავები, რომელნიც თითქოს ამ „ბაგას“ ეტანებიან „ვირებად“ მონათლეს. ას-სუფი წერს, რომ არაბებმა ამ ნიშნებისა არაფერი იცოდნენ. ბერძენი ვარსკვლავთმრიცხველნი მოგვითხრობენ, რომ როდესაც ღმერთებსა და გიგანტებს შორის ომი გაჩაღდა, დიონისე და ჰეფესტოსი ამ ვირებზე ამხედრებულნი გაეშურნენ ოლიმპოსაკენ, მაგრამ ვიდრე ბრძოლის ველამდე მიაღწევდნენ, ამ ვირებმა ისეთი ყროყინი ასტეხეს, რომ გიგანტები თავქუდმოგლეჯილები გაიქცნენ. ნიშნად მადლიერებისა ღმერთებმა იქ მოაქციეს, სადაც მათთვის „ბაგაზე“ გამზადებული თივაა. მეორე ვერსია არის ჰერაკლეს ბრძოლა ლერნეს ჭაობის საშინელ ცხრათავიან ჰიდრასთან, რომლის დროსაც იოლაოსმა ურჩხულის მისაშველებლად მოსული კიბორჩხალა მოკლა. ზოდიაქოს ამ ნაწილში გავლის დროს, რაც დაკავშირებულია ზაფხულის ნაბუნიობასთან (შემობრუნება ზამთრისკენ) მზე თითქოს „უკუსვლას“ აკეთებს და ამიტომაც უწოდეს კირჩხიბი (კიბორჩხალას უკუსვლა) ბერძნული მითის ერთი ვერსია ამბობს, რომ კიბორჩხალა ბოროტ ჰიდრას ემსახურებოდა, ჰერაკლემ ფეხით გასრისა და თანავარსკვლავედად აქცია თავისი სითამამის გამო, ბერძენთა უდიდეს გმირს რომ დაესხა თავს.

კირჩხიბის ზოდიაქური თანავარსკვლავედი განლაგებულია ლომის, ჰიდრის, მარჩბივის და ფოცხვერის თანავარსკვლავედებს შორის. ჩანს იანვრიდან მაისამდე. ვარსკვლავები ქმნიან ერთგვარ სამკუთხედს, რომელშიაც ძნელია კიბორჩხალას
მოქცევა. მას წარმოსახვით ხატავენ.






Loading...

ტექსტის სანახავად გაიარეთ რეგისტრაცია.