როგორი ქალები მოსწონთ მამაკაცებს?



ვერძს საკუთარ თავში დარწმუნებული ქალი მოსწონს, რომელიც ყოველთვის ფორმაშია. მას ადვილად დასაპყრობი მანდილოსანი მალე ჰბეზრდება. ქალი ძნელად მოსანადირებელი უნდა იყოს.

კურო ცოლად ენერგიულ, ხელმარჯვე, კარგ დიასახლისსა და ორიგინალური იდეებით სავსე ქალს შეირთავს. ცანცარა და უტაქტო გოგონას გასართობადაც კი არ დაუახლოვდება.

ტყუპთან გულახდილი ნუ იქნებით. თავი იდუმალ მანდილოსნად მოაჩვენეთ. ხშირად აეჭვიანეთ. თუკი თავის კუთვნილებად დაგიგულად, თქვენდამი ინტერესს დაკარგავს.

სენტიმენტალურ და რომანტიკულ კირჩხიბს განათლებული და ინტელექტუალი ქალი მოსწონს, რომელიც პრობლემების მოგვარებაში დაეხმარება. მისი იდეალი ლიდერი ქალია.

ლომის მოსახიბლად თქვენი საუკეთესო თვისებები გამოავლინეთ. მას ბრბოსგან გამორჩეული ქალი ხიბლავს. გახსოვდეთ, რომ თქვენი რჩეული ცხოველთა მეფეა და მის გვერდით დედოფალი უნდა იყოს.

ქალწული საკუთარ თავზე ბატონობის უფლებას მხოლოდ ლიდერს, საქმიან და განათლებულ ქალს მისცემს. მისი რჩეული წარმატებული და მებრძოლი უნდა იყოს.

სასწორის რჩეული ვიზუალურად მიმზიდველი, განათლებული და ელეგანტური უნდა იყოს. მისი გული რომ დაიპყროთ, თავი მის მეგობრებსა და ახლობლებსაც უნდა მოაწონოთ. მოგეხსენებათ,სასწორი სხვათა გავლენის ქვეშ ადვილად ექცევა და ის მოსწონს, რაც სხვებს.

მორიელს ძლიერი ქალების დამორჩილება უყვარს. არასდროს მოატყუოთ. ნურც მის დამცირებას ნუ შეეცდებით, წინააღმდეგ შემთხვევაში გაგანადგურებთ.

მშვილდოსანს ჭკვიანი ქალები აღიზიანებს. მასთან მხიარული და ლაღი უნდა იყოთ. რჩევისთვის მას უნდა მიმართოთ.

თხის რქის გულს დაიპყრობთ თუ წარმატებული კარიერა გაქვთ, სახელოვანი წინაპრები გყავდათ და ამასთან ძლიერი ხასიათითა და მიზანსწრაფულობით გამოირჩევით. თქვენს რჩეულს სენტიმენტალური და სუსტი არ მოეწონებით.

მერწყულის გულს მშვიდი ბუნების გოგონა მოიპოვებს, რომელიც რთულ სიტუაციებში გვერდით დაუდგება. თანაც, უკეთესია თუ მერწყულის სატრფო მის ინტერესებს გაიზიარებს და მისი ერთგული მეგობარი გახდება.

თევზებს რომანტიკული და სენტიმენტალური მანდილოსნები მოსწონს. გარდა ამისა, ქალი კარგი დიასახლისი და საუკეთესო მეგობარი უნდა იყოს.

მოამზადა დალი ვასაძემ

წყარო





Loading...

ტექსტის სანახავად გაიარეთ რეგისტრაცია.