დიასახლისები – ზოდიაქოს ნიშნების მიხედვით



ვერძით- ზოდიაოქს ამ ნიშნით საოჯახო საქმეების მიმართ განსაკუთრებული სიძულვილით გამორჩეული ქალები იბადებიან. რაღა თქმა უნდა არსებობენ ისეთი ვერძი ცოლებიც რომლების სახლს საქმეებს ჩინებულად ართმევენ თავს და პლუს ამას ბავშვების მთელ ინკუბატორსაც ზრდიან, მაგრამ დიასახლისის როლი ნამდვილად არაა ვერძი ქალის მოწოდება. მისი ინტერესები უფრო სახლის გარეთაა მიმართული. საყვარელმა კაცმა მას საკმარისი თავისუფლება უნდა მისცეს იმისთვის რომ მან თავისი საყვარელი საქმეც აკეთოს. ოჯახის მოვლის პარალელურად.

რაც შეეხება კუროს, ამ მხრივ მასთან გაცილებით უკეთაა საქმე. კურო ქალი ბუნებით ოჯახის და კომფორტის მოყვარულია.ამიტომ მას არც საჭმლის კეთება ეზარება (სხვათაშორის არც ჭამა) და არც ქმარ-შვილის მოვლა. ერთადერი მინუსი ისაა რომ ამ ქალს ყველაფრის ნელა, ნაბიჯ-ნაბიჯ კეთება უყვარს და სახლის ლაგებას ნახევარი დღე, საჭმლის მზადებას კი მეორე ნახევარი შეიძლება მოანდომოს. სამაგიეროდ ისეთი გემრიელი ხელი აქვს მამაკაცი თითებს ჩაიკვნეტს მის მომზადებულ კერძებზე.

რაც შეეხება თავქარიან ტყუპ ქალს, აქ საქმე ცოტა რთულადაა. იმის განსაზღვრა როგორი დიასახლისი იქნება თქვენი ტყუპი შეყვარებული ცოტა ძნელია. ეს იმიტომ რომ მას თავში ათასი პარასკევი აქვს და ხასიათი ელვის სისწრაფით ეცვლება. ამიტომ ერთ დღეს თუ სანიმუშო დიასახლისობით გაგაოცებთ, მეორე დღეს შეიძლება დილიდან თმადაუვარცხნელმა იაროს და არც აულაგებელმა ლოგინმა და დასარეცხმა ჭურჭელმა შეაწუხოს.

აი ვისაც კირჩხიბი ქალის ცოლად მოყვანა აქვს გადაწყვეტილი ნამდვილად სწორ არჩევანს აკეთებს. კიბო ქალი მოწოდებითაა დედა და დიასახლისი. მასში ეს თვისებები დაბადებიდან დევს ჩანსახის დონეზე. ეს იმიტომ რომ ზოგადად კიბო მზრუნველი ადამიანია, მისთვის ჰაერივით აუცილებელია იზრუნოს ვინმეზე. მოაროს, დააპუროს, გაათბოს და ხანდახან ტვინიც უბურღოს.. თუმცა ეს სხვა თემაა. მოკლედ კირჩხიბი ქალი თამამად მოიყვანეთ ცოლად. შიმშილით სიკვდილი არ გემუქრებათ მის ხელში.

ლომი ბუნებით ექსტრავერტი ნატურაა, ამიტომ ამ ქალის სახლში გამოკეტვის მცდელობაც კი ნებისმიერი მამაკაცისთვის მარცხით დასრულდება. საოჯახო საქმეების კეთებაზე, რეცხვა-დალაგებასა და სადილების მზადებაზე, ბუნებით აქტიური და კარიერისტი ლომი ქალი დიდად არ გიჟდება, თუმცა თუ მასთან დიპლომატიურ მიდგომას ისწავლის მისი მეუღლე და პერიოდულად ხელს შეუწყობს იმაში რომ მან, სამზარეულოს გარდა, საზოგადოებაშიც იბრწყინოს ქალი ლომი ყველაფერს ჩინებულად შეუთავსებს ერთმანეთს.

აი რაც შეეხება ქალწულს, მინდა გაგახაროთ, რომ პრობლემები ნაკლებად ელის ზოდიაქოს ამ ნიშნით დაბადებული ქალის საქმროს. ქალწულებს ძალიან უყვართ ოჯახში ფუსფუსი და ზოგადად მათთვის მნიშვნელოვანია ვინმეზე ზრუნვა-პატრონობა. შემთხვევითი როდია რომ ცნობილი მედდების და ექიმების უმრავლესობა იბადება ამ ნიშნით. ასე რომ ქალწულის ცოლად მოყვანით, მამაკაცს გარანტირებული აქვს დაგვილ-დაწკრიალებული სახლი, მოვლილი შვილები და გემრიელი კერძი ყველა საღამოს.

თუ სასწორის ცოლად მოყვანას გეგმავთ,აუცილებელია იცოდეთ რომ ამ ქალს ჰარმონია და კომფორტი უნდა დაახვედროთ იმ სახლში, რომელშიც მას დიასახლისობას დააკისრებთ. ხმაურიან, ფეთხუმი ოჯახის წევრებით სავსე ატმოსფეროში სასწორი ქალი ძალიან დაითრგუნება. სხვამხრივ კი, თუ მას ხელს შეუწყობთ გარემოს თვალსაზრისით, იგი ჩინებული დიასახლისი და მოსიყვარულე მეუღლე დადგება.

მორიელი ქალის ქმარს კი ძალიან მყარი ფსიქიკა და ასეთივე მყარი ფიზიკური მდგომარეობა ესაჭიროება. ეს იმიტომ რომ ამ ქალისთვის დიასახლისობის ნიჭი პირდაპირპროპოციულია იმ "ნიჭთან" რომელსაც თქვენ მასთან საძინებელში გამოამჟღავნებთ. ასე რომ გაისარჯეთ ჩემო ბატონო და არც თქვენ დარჩებით უკმაყოფილო ცოლი მორიელის დიასახლისობით.

მშვილდოსანი ქალი და ზოგადად ცეცხლის სტიქიის წარმომადგენელი ქალბატონები, დიასახლისობის დიდი ნიჭით და სიყვარულით არ გამოირჩევიან. მშვილდოსანი კი ამ მხრივ ყველას აჭარბებს. ამიტომ გასაკვირი არაა რატომ გავს ტიპიური მშვილდოსანი დიასახლისის სახლი მშრალი ხიდის ბაზრობას, წესრიგი ეს ისაა რაც მშვილდოსანი ქალბატონისთვის არცთუ მნიშვნელოვანი საკითხია, მთავარია მხიარულება იყოს სახლში. აი რაც შეეხება კერძების მომზადების ნიჭს ამ მხრივ უკეთაა საქმე, რადგან გემრიელად სმა-ჭამა მშვილდოსნის სუსტი წერტილია და ბევრი მშვილდოსანი ქალი კარგადაც ამზადებს.

რაც შეეხება თხის რქას, ეს ქალი ოჯახის ბურჯი და დედაა ყველა გაგებით. თუკი მეუღლეს სათანადო პატივს ცემს, ქალი თხის რქა სანიმუშო დედა და მეოჯახე დგება. მის სახლში ყოველთვის წესრიგი და ჰარმონია იქნება გამეფებული, ბავშვებს კი შესაფერისი სიმკაცრით გაზრდის, რათა მათ ყირაზე არ დააყენონ დედის მილაგებული სახლი და არც მის მიერ მომზადებულ კერძებზე გაბედონ უარის თქმა.

აი მერწყულის მომავალ საქმროს კი ვურჩევდი თავი ოჯახში გამეფებული შემოქმედებითი ქაოსისთვის მოამზადოს, რადგან კომუნიკაბელური მერწყული ქალის სახლი მეგობრების თავშეყრის ადგილი იქნება მუდამ, თუმცა ისინი აქ არამხოლოდ დიასახლისის მხირაურლი ხასიათის გამო, არამედ მის მიერ მომზადებული უგემრიელესი კერძების დასაგემოვნებლადაც შეიკრიბებეიან. მერწყული ქალების უმრავლესობას ჩინებული კულინარიული ნიჭი აქვს და ხშირად ატარებენ ხოლმე სამზარეულოში გემრიელ ექსპერიმენტებს.

მათთვის კი ვინაც თევზი ქალის ცოლად მოყვანა გადაწყვიტა, მინდა ვთქვა რომ მთავარია ამ ქალს ოჯახში სითბო, სიმყუდროვე და მშვიდი გარემო შეუქმნათ. თუ ამ პუნქტებს შეასრულებთ, თქვენი თევზი ცოლი მშვენიერი დიასახლისი და კარგი მზარეული იქნება. ერთადერთი რაც უნდა გაითვალისწინოთ, ის არის რომ მისთვის ოჯახის ბიუჯეტის ნდობა არ ღირს, თორემ თქვენ ხელფასს ისეთი სისწრაფით გაანიავებს, თვალის დახამხამებას ვერ მოასწრებთ.






Loading...

ტექსტის სანახავად გაიარეთ რეგისტრაცია.