დიეტა ზოდიაქოს ყველა ნიშნის მიხედვით

 (ხმები: 3)


ვერძი

ვერძებს საკუთარი იმპულსური ხასიათიდან გამომდინარე, ადვილად და თანმიმდევრულად დიეტის დაცვა ძალიან ძნელად გამოსდით. ეს იმიტომ რომ ყველა ვერძი მოუთმენლობით გამოირჩევა და შედეგის მიღება რაც შეიძლება მოკლე დროში უნდა. თუ ეს პროცესი იწელება ვერძს მალე ბეზრდება მოსაწყენი დიეტა და დაუნანებლად არღვევას მას. თუმცა იმ შემთხვევაში თუ ვერძ ქალს მყარი მოტივაცია გააჩნია წონაში დასაკლებად (მაგალითად უნდა სასურველ მამაკაცს თავი მოაწონოს, სამეჯლისო ცეკვების კონკურსში მიიღოს მონაწილეობა და ა.შ) მერწმუნეთ იგი აუცილებლად შეძლებს თავის ხელში აყვანას და გახდომას.

კურო

კუროსთვის რთული და მძიმე თემაა დიეტის დაცვა. გამომდინარე იქედან რომ ზოდიაქოს ამ ნიშნის ხალხი განსაკუთრებული გურმანული თვისებებით გამოირჩევა, ტიპიური კურო ქალისთვის წონაში დაკლების პროცედურა შეიძლება ძალიან მტანჯველ მოვლენად იქცეს. კუროსთვის ჭამა მთელი რიტუალი და დღესასწაულია, ამასთან ერთად არც მაინც და მაინც ენერგიული და მოძრავი ცხოვრების წესით იხიბლება. (თუ დაკვირვებიხართ კუროთა უმეტესობა საკმაოდ ზანტი და ხშირად ზარმაცია). ამიტომაც პირის გემოს მოყვარული კუროსთვის, აიძულოს საკუთარი თავი უგემური ფაფებით იკვებოს მისთვის არცთუ სასიამოვნო იქნება, თუმცა კურო ქალებს გააჩნიათ შესაშური ნებისყოფა და სიჯიუტე, რომელიც თავისუფლად შეუძლიათ სხეულის ფორმების კორექციის ამბავში გამოიყენონ.

ტყუპები

ტყუპებს იმდენად ცვალებადი ხასიათი აქვთ, დიეტის სისტემატიურად დაცვა ხშირ შემთხვევაში უბრალოდ ავიწყდებათ ხოლმე. ამასთან ერთად თავად ეს პროცესიც მალე ბეზრდებათ და რამე უფრო საინტერესო საქმიანობის ძებნაზე გადადიან. ტყუპის სასიკეთოდ უნდა ითქვას რომ ზოდიაქოს ამ ნიშნის ქალები განსაკუთრებული ქალური მომხიბვლელობით გამოირჩევიან და ცოტა მათგანი თუ უჩივის ჭარბი წონის პრობლემებს. თუმცა თუ მაინც აქვს ტყუპს ეს პრობლემა, მე პირადად ვურჩევ სხვადასხვა სტილის დიეტებისა და კვების რაციონის ნაზავით დააბალანსოს დიეტა, რათა მოწყენის საშუალება.

კირჩხიბი

აი თუ ვინმეს სერიოზულად შეიძლება გაუჭირდეს დიეტის დაცვა ეს კირჩხიბია. კიბო კუჭით იმართება, შესაბამისად სწორედ ეს ორგანო აქვთ ზოდიაქოს ამ ნიშნით დაბადებულ ქალებს ყველაზე „სუსტი“. კიბო ქალს საჭმელი და ჭამა იმდენად უყვარს, რომ აუცილებლობა ამ ყველაფერზე რაღაც დროით მაინც უარი თქვას, მას მსუბუქად რომ ვთქვათ დეპრესიაში აგდებს. ამასთან ერთად გულჩვილი ბუნების და მელანქოლიურობის გამო, კირჩხიბი ქალები ყველაზე დიდ შეცდომას უშვებენ რაც წონის პრობლემებთან ბრძოლის საკითხში ყველაზე მეტად დაუშვებელია-ისინი იცოდებენ საკუთარ თავს! ამის შედეგად კი „სიმშვიდეს“ სამზარეულოში ეძებენ.

ლომი

ლომი ქალისთვის ჭარბ წონასთან ბრძოლა მაინც და მაინც დიდ სირთულეს არ წარმოადგენს. მთავარია ამ წონის სიჭარბე მის უზომოდ დიდ თავმოყვარეობას შეეხოს უხეშად და ამაყი ლომი ქალი მაშინვე იზრუნებს იმაზე რომ საკუთარი თავი ხელში აიყვანოს და სასწრაფოდ ფორმაში ჩადგეს. კაცმა რომ თქვას, მე პირადად იშვიათად შემხვედრია ლომი ქალი მსგავსი პრობლემებით. ლომებს იმდენად აქვთ განვითარებული საკუთარი თავის მიმართ ეგოისტური სიყვარული, რომ როგორც წესი ძალ-ღონეს არ იშურებენ საიმისოდ რომ კარგად გამოიყურებოდნენ.

ქალწული

კაცმა რომ თქვას, ქალწულს რაღა დიეტის დაცვა უნდა? თავისი ხასიათიდან გამომდინარე რომ ზოდიაქოს ამ ნიშნის ქალები მთელი ცხოვრება „დიეტურად“ იკვებებიან. ეს რა თქმა უნდა ნახევრად ხუმრობით, ისე კი ნებისმიერი ქალწულისთვის ჯანსაღი კვების საკითხი გადამწყვეტი თემაა. აქედან გამომდინარე, ქალწულები ყოველთვის გულდასმით იკვლევენ თუ რას ჭამენ და როგორ მომზადებულს. ჭარბი წონის პრობლემას რაც შეეხება, იგი ნაკლებად აწუხებთ ზოდიაქოს ამ ნიშნის წარმომადგენლებს და თუ მაინც აწუხებთ გადამეტებული ღორმუცელობა ნამდვილად არ იქნება ამის მიზეზი მათი მხრიდან.

სასწორი

ჭარბი წონა, არც თუ იშვიათადაა სასწორი ქალების მთავარი პრობლემა. ეს იმიტომ რომ ზოდიაქოს ამ ნიშნის ქალბატონებს, განსაკუთრებული სიყვარული ახასიათებთ ტკბილეულობის მიმართ, რაც დამეთანხმებით კარგი ფიგურის ყველაზე დიდი მტერია. თუმცა სასწორის ბუნებაში არსებული ჰარმონიის შეგრძნება და სილამაზის გამძაფრებული აღქმის უნარი, ხშირად ეხმარებათ ზოდიაქოს ამ ნიშნის ქვეშ დაბადებულებს რომ თავი ხელში აიყვანონ და დიეტის მეშვეობით ჩვეულ ფორმებს დაუბრუნდნენ.

მორიელი

მორიელის ხასიათში მთავარი პრობლემა რადიკალიზმია. აქედან გამომდინარე გასაკვირი არაა, რომ „ყველაზე სასტიკი დიეტების“ მხვერპლთა რიცხვში ზუსტად მორიელი ქალები ხვდებიან ხოლმე. ქალი მორიელი, მიუხედავად გარეგნული თავდაჯერებულობისა, ხშირად საკუთარი თავის მიმართ უზომოდ კრიტიკული და მკაცრია. აქედან გამომდინარე, თავს არ ზოგავს როცა უნდა რომ კარგად გამოიყურებოდეს, თუმცა მათი ხასიათის მთავარი პრობლემა რადიკალიზმი ხშირად ცუდ სამსახურს უწევს მორიელებს. შესაძლოა დიეტის დაცვამ ისე გაიტაცოს, რომ სასურველი წონის ნაცვლად დისტროფიკობაში გადავიდეს. ზომიერების დაცვა ეს არის ყველაზე მთავარი მორიელისთვის, თუ უნდა რომ სხეული და ფსიქიკა სრულ ჰარმონიაში ქონდეს ერთმანეთთან.

მშვილდოსანი

მშვილდოსანი ქალი იმდენად მოძრავი, დინამიური და მოსუვენარი არსებაა, რომ მათ უმრავლესობას ჭარბი წონის პრობლემა ძალზე იშვიათად აწუხებს ამ სიტყვის როგორც პირდაპირი ისე გადატანითი მნიშვნელობით. როგორც წესი მშვილდოსნები ნაკლებად განეკუთვნებიან სახლში მჯდომი დიასახლისების რიცხვს, აქედან გამომდინარე მიუხედვად იმისა რომ გემრიელად ჭამა-სმა ძალიანაც უყვართ, მიღებულ კალორიებს მშვილდოსანი მშვენივრად „ხარჯავს“ სპორტული აქტივობის ან უბრალოდ წანწალის ხარჯზე. თუმცა თუ მაინც შეექმნა მას წონასთან დაკავშირებული პრობლემები, საკითხს ჩვეული ოპტიმიზმით უყურებს და არასოდეს ქმნის ტრაგედიას ამ ფაქტის გამო. რაც დამეთანხმებით უმთავრესი პრინციპია იმისთვის რომ ქალმა არც თავი დაოკომპლექსოს, არც გარშემომყოფები.

თხის რქა

ბუნებით უზომოდ კრიტიკული და წესრიგის მოყვარული თხის რქა ზედმეტი წონის პრობლემას საკმაოდ მტკივნეულად განიცდის. თუმცა მის ხასიათში მოჭარბებულად არსებული წესრიგის, დისციპლინის სიყვარული ეხმარება ხშირად მას იმაში რომ საკუთარი გარეგნობა მკაცრი დიეტის და სპეციალურად შემუშავებული კვების რეჟიმის მეშვეობით დახვეწოს. ამ შემთხვევაში სასურველი შედეგის მისაღწევად, მისთვის ყველაზე დიდი დახმარების გაწევა, ოჯახის წევრების (განსაკუთრებით მეუღლის ან საყვარელი ადამიანის) ემოციურ მხარდაჭერას შეუძლია. ნუ დაგავიწყდებათ რომ თხის რქას სატურნი მართავს რაც მის ხასიათში ხშირად პესიმიზმის ელემენტების სიჭარბეს იწვევს, აქედან გამომდინარე, თხის რქა ქალისთვის ემოციურ მხარდაჭერას და ოპტიმიზმს დიდი მნიშვნელობა აქვს.

მერწყული

ჩემდა გასაოცრად აღმოვაჩინე რომ საკმაოდ ბევრი მერწყული ქალი გამოირჩევა ჭარბწონიანობით, თუმცა ყველაზე სახალისო ისაა რომ სხეულის ფუმფულა ფორმების მიუხედავად ეს ადამიანები მაინც ახერხებენ იყონ უზომოდ მომხიბვლელები და საყვარლები. მაგალითისთვის ცნობილი ტელეწამყვანის ოპრა უინფრის მოყვანა შემიძლია, რომელიც მიუხედავად თავისი „სიფუშფუშისა“ უამრავი ადამიანისთვის მიბაძვის ობიექტი გახდა. ზედმეტი წონის პრობლემა, ეს ის საკითხია რომელსაც მერწყული ქალები განსაკუთრებული სიმძაფრით არ აღიქვამენ, აქედან
გამომდინარე ტყუპების მსგავსად მათაც ნაირნაირი დიეტებით „თავის გართობა“ ხიბლავთ, თუმცა არცთუ იშვიათად სასურველ შედეგსაც აღწევენ.

თევზები

საკუთარი ემოციური ბუნების გამო, საკმაოდ მტკივნეულად განიცდიან წონის მომატების საკითხს. თუმცა საიმისოდ რომ ამ პრობლემის „ლიკვიდაცია“ სასწრაფოდ მოახერხონ, ბევრ მათგანს ნებისყოფა არ ყოფნის. ამ შემთხვევაში მათთვის აუცილებელია ემოციური მხარდაჭერა ხანდახან ასე ვთქვათ „შემოძახება“ და შეგულიანებაც კი (მეგობრების, საყვარელი ადამიანის და ა.შ) და ასევე მაქსიმალურად კომფორტული გარემო, რათა რაიმე ყოფით წვრილმანებზე განაწყენებულმა თევზმა შვების საპოვნელად სამზარეულოს არ მიაშუროს. თევზებს ძალიან უყვართ ყველა სახის სასმელი. აქედან გამომდინარე მათთვის ძალიან კარგი იქნება დიეტა რომელიც მაქსიმალურად ბევრ ნატურალურ წვენს და თხიერ საკვებს შეიცავს, მაგალითად კეფირი, იოგურტი და ა.შ







ტექსტის სანახავად გაიარეთ რეგისტრაცია.