ლევ სერგის ძე ბაიახჩევი (დ. 7 სექტემბერი, 1930, თბილისი — გ. 26 დეკემბერი, 1992, იქვე), ფერმწერი. საქართველოს დამსახურებული მხატვარი (1985). ეროვნებით სომეხი, მოღვაწეობდა საქართველოში.
1959 დაამთავრა თბილისის სამხატვრო აკადემია (პედაგოგები ა. ქუთათელაძე, ვ. შუხაევი). სამხატვრო გამოფენებში მონაწილეობდა 1961-იდან. ბაიახჩევი მუშაობდა პეიზაჟისა და პორტრეტის დარგში. მნიშვნელოვანი ნამუშევრები: "მეშახტეები" (1961), "ელენეს პორტრეტი" (1963), "გმირის დაბრუნება" (1964, სამივე საქართველოს სურათების გალერეა, თბილისი), "ქალაქის პეიზაჟები" (1967), "ქალიშვილის პორტრეტი" (1985), "ნატურმორტი მსხლებით" (1986), "ძველი თბილისი" (1988, ყველა მხატვრის საკუთრება) და სხვა.
ლევ ბაიახჩევი (ქართველი მხატვარი)
