როცა მამაკაცი შეყვარებულია...
"ვუყვარვარ, არ ვუყვარვარ, ვუყვარვარ, არ ვუყვარვარ, ვუყვარვარ?“ - მარადიული კითხვა, რომელიც, თითქმის, ყველა ქალს აწუხებს. საიდუმლო არა არის, რომ მამაკაცების უმეტესობას გრძნობებზე საუბარი არ უყვარს, ზოგი კი პირიქით - სიყვარულზე მაღალფარდოვანი სიტყვებით საუბრობს, მაგრამ რამდენად გულწრფელია - ეს კიდევ სხვა საკითხია.
ხშირად, ქალები თავს იმტვრევენ ვარაუდებით და ცდილობენ, მამაკაცის ყოველ მოქმედებასა და სიტყვას ახსნა მოუძებნონ... იმდენად დიდი სურვილი აქვთ, მისი სიყვარული ირწმუნონ, რომ სულ უმნიშვნელო საბაბიც კი კარგად განსაზღვრულ არგუმენტად ეჩვენებათ. მზად არიან, საყვარელი მამაკაცის გულისათვის ბოლომდე დაიხარჯონ, თუმცა ხშირად იმედგაცრუებულნი რჩებიან...
ასე რომ არ დაგვემართოს, მოდით, ვისაუბროთ იმ ნიშნებზე, რომლებიც მამაკაცის სიყვარულს ამტკიცებენ.
სექსუალური მიზიდულობა - სიყვარულის მთავარი "სიმპტომი" სურვილია. თუ მამაკაცს სურს ქალი, ამ ქალს მისი სიყვარულის მოპოვების დიდი შანსი აქვს. ყველა მამაკაცს ახასიათებს ქალების მიმართ ფიზიკური ლტოლვა. ეს ყველაზე დიდი ადამიანური ენერგიაა. მამაკაცი, თითქმის, ყოველთვის, ქალს აღიქვამს, როგორც ობიექტს ინტიმური ურთიერთობისათვის. მასში იღვიძებს მონადირე და რაც უფრო მოუწვდომელია "სამიზნე", მით უფრო მძლავრდება მისი სურვილი. თუმცა სურვილი ჯერ კიდევ არ იძლევა ხანგრძლივი ურთიერთობის მყარ გარანტიას. ზოგჯერ, მამაკაცის ინტერესი მაშინვე ქრება, როგორც კი თავისას მიაღწევს. ამიტომ მოვლენებს წინ ნუ გავუსწრებთ, კარგად დავფიქრდეთ და სხვა "სიმპტომებსაც" მივაქციოთ ყურადღება.
სულიერი სიახლოვე - მეორე "სიმპტომი" სულიერი მიზიდულობაა, მეგობრობა, ემოციური კონტაქტის საჭიროება; როცა მამაკაცი ეძებს საშუალებებს, აღმოჩნდეს თქვენს გვერდით, გირეკავთ, გწერთ, გისმენთ, გესაუბრებათ საკუთარ თავზე, ცდილობს გამონახოს თქვენსკენ მომავალი ნებისმიერი შესაძლო გზა. იგი ზოგჯერ დაჟინებულიც კი ხდება, მაგრამ უნდა გვახსოვდეს, რომ ყველა ადამიანს თავისი ბუნება აქვს, თავისი ხასიათი, თავისი ჩვევები; ზოგიერთებს შეუძლიათ ლამაზი სიტყვების წარმოთქმა და სერენადების მოძღვნა, ზოგიერთს კი ორი სიტყვის თქმაც უჭირს. ვიღაცას შეუძლია ძვირფასეულობა და მანქანაც კი გაჩუქოთ, ზოგს - ამისი ფანტაზიაც არ აქვს, არათუ საშუალება. ამიტომ, ყურადღება გმართებთ: თუ ის მხოლოდ ფიზიკურ სიახლოვეს არ ეძებს, სურს ახლოს იყოს თქვენთან, გაიცნოს თქვენი ხასიათი, იცოდეს თქვენი აზრი, მიიპყროს თქვენი ყურადღება - ეს ნიშნავს, რომ მას ნამდვილად უყვარხართ.
თქვენი ადგილი მის ცხოვრებაში- მამაკაცები უმეტესად კონსერვატიულები არიან. უცოლო კაცს, იმის პერსპექტივა, რომ ვინმე თავის სულში, ცხოვრებაში შეუშვას, ძალიან აშინებს, რადგან ვერ ელევა თავის ძვირფას თავისუფლებას. აქედან გამომდინარე, თუ ის დაჟინებით ცდილობს თქვენს შეტყუებას თავის ცხოვრებაში, ეს უეჭველი ნიშანია სიყვარულისა.
მსხვერპლის გაღება- ნებისმიერი სიახლოვე მოითხოვს კომპრომისებისათვის მზადყოფნას. ჩვენ გვიწევს მსხვერპლის გაღება საყვარელი ადამიანებისათვის. თუ მამაკაცი ამისათვის მზადაა, თუ ის თქვენს გამო უარს ამბობს თავის ჩვევებზე, თავის პრინციპებზე, თავისი ცხოვრების ჩვეულ რიტმსა და მეგობრებზე. ის ცდილობს თქვენს გამო შეიცვალოს, შეცვალოს თავისი გეგმები, დაგითმოთ, დაგახარჯოთ თავისი დროის დიდი ნაწილი. ეცადეთ არ გადაამლაშოთ და ბოროტად არ ისარგებლოთ მისი გრძნობით. მამაკაცისთვის დიდი იმედგაცრუება იქნება, თუ ასეთი სიყვარული არ დაუფასდება.
ზრუნვა. ყველა მამაკაცს არ შეუძლია იზრუნოს ქალის კეთილდღეობისათვის (ეს არ გულისხმობს მატერიალური თვალსაზრისით ზრუნვას). როდესაც ის თქვენი სურვილების გამოცნობას ცდილობს, საშინლად განიცდის, თუ ეს არ გამოუვიდა;
იმედია, ეს "სიმპტომები" თქვენი რჩეულის ქცევებში ამოიცანით. თუმცა, როგორც ამბობენ, ქალმა უკეთ იცის სიყვარული, ვიდრე ნებისმიერმა მამაკაცმა. სიყვარულზე მას იდეალური სმენა აქვს, ბოლოს და ბოლოს, ის მას გრძნობს და ამისათვის არანაირი თვალსაჩინო ნიშნები არ სჭირდება. საჭიროა მხოლოდ სული და გული. დაუჯერეთ თქვენს ინსტინქტებს. ირწმუნეთ საკუთარი თავის და თქვენ შეძლებთ, მამაკაცში მაშინაც კი გააღვიძოთ სიყვარული, როცა ის ამისათვის მზად არ არის. ასე რომ, წინ ბედნიერი და სიყვარულით აღსავსე ცხოვრებისაკენ!
"ვუყვარვარ, არ ვუყვარვარ, ვუყვარვარ, არ ვუყვარვარ, ვუყვარვარ?“ - მარადიული კითხვა, რომელიც, თითქმის, ყველა ქალს აწუხებს. საიდუმლო არა არის, რომ მამაკაცების უმეტესობას გრძნობებზე საუბარი არ უყვარს, ზოგი კი პირიქით - სიყვარულზე მაღალფარდოვანი სიტყვებით საუბრობს, მაგრამ რამდენად გულწრფელია - ეს კიდევ სხვა საკითხია.
ხშირად, ქალები თავს იმტვრევენ ვარაუდებით და ცდილობენ, მამაკაცის ყოველ მოქმედებასა და სიტყვას ახსნა მოუძებნონ... იმდენად დიდი სურვილი აქვთ, მისი სიყვარული ირწმუნონ, რომ სულ უმნიშვნელო საბაბიც კი კარგად განსაზღვრულ არგუმენტად ეჩვენებათ. მზად არიან, საყვარელი მამაკაცის გულისათვის ბოლომდე დაიხარჯონ, თუმცა ხშირად იმედგაცრუებულნი რჩებიან...
ასე რომ არ დაგვემართოს, მოდით, ვისაუბროთ იმ ნიშნებზე, რომლებიც მამაკაცის სიყვარულს ამტკიცებენ.
სექსუალური მიზიდულობა - სიყვარულის მთავარი "სიმპტომი" სურვილია. თუ მამაკაცს სურს ქალი, ამ ქალს მისი სიყვარულის მოპოვების დიდი შანსი აქვს. ყველა მამაკაცს ახასიათებს ქალების მიმართ ფიზიკური ლტოლვა. ეს ყველაზე დიდი ადამიანური ენერგიაა. მამაკაცი, თითქმის, ყოველთვის, ქალს აღიქვამს, როგორც ობიექტს ინტიმური ურთიერთობისათვის. მასში იღვიძებს მონადირე და რაც უფრო მოუწვდომელია "სამიზნე", მით უფრო მძლავრდება მისი სურვილი. თუმცა სურვილი ჯერ კიდევ არ იძლევა ხანგრძლივი ურთიერთობის მყარ გარანტიას. ზოგჯერ, მამაკაცის ინტერესი მაშინვე ქრება, როგორც კი თავისას მიაღწევს. ამიტომ მოვლენებს წინ ნუ გავუსწრებთ, კარგად დავფიქრდეთ და სხვა "სიმპტომებსაც" მივაქციოთ ყურადღება.
სულიერი სიახლოვე - მეორე "სიმპტომი" სულიერი მიზიდულობაა, მეგობრობა, ემოციური კონტაქტის საჭიროება; როცა მამაკაცი ეძებს საშუალებებს, აღმოჩნდეს თქვენს გვერდით, გირეკავთ, გწერთ, გისმენთ, გესაუბრებათ საკუთარ თავზე, ცდილობს გამონახოს თქვენსკენ მომავალი ნებისმიერი შესაძლო გზა. იგი ზოგჯერ დაჟინებულიც კი ხდება, მაგრამ უნდა გვახსოვდეს, რომ ყველა ადამიანს თავისი ბუნება აქვს, თავისი ხასიათი, თავისი ჩვევები; ზოგიერთებს შეუძლიათ ლამაზი სიტყვების წარმოთქმა და სერენადების მოძღვნა, ზოგიერთს კი ორი სიტყვის თქმაც უჭირს. ვიღაცას შეუძლია ძვირფასეულობა და მანქანაც კი გაჩუქოთ, ზოგს - ამისი ფანტაზიაც არ აქვს, არათუ საშუალება. ამიტომ, ყურადღება გმართებთ: თუ ის მხოლოდ ფიზიკურ სიახლოვეს არ ეძებს, სურს ახლოს იყოს თქვენთან, გაიცნოს თქვენი ხასიათი, იცოდეს თქვენი აზრი, მიიპყროს თქვენი ყურადღება - ეს ნიშნავს, რომ მას ნამდვილად უყვარხართ.
თქვენი ადგილი მის ცხოვრებაში- მამაკაცები უმეტესად კონსერვატიულები არიან. უცოლო კაცს, იმის პერსპექტივა, რომ ვინმე თავის სულში, ცხოვრებაში შეუშვას, ძალიან აშინებს, რადგან ვერ ელევა თავის ძვირფას თავისუფლებას. აქედან გამომდინარე, თუ ის დაჟინებით ცდილობს თქვენს შეტყუებას თავის ცხოვრებაში, ეს უეჭველი ნიშანია სიყვარულისა.
მსხვერპლის გაღება- ნებისმიერი სიახლოვე მოითხოვს კომპრომისებისათვის მზადყოფნას. ჩვენ გვიწევს მსხვერპლის გაღება საყვარელი ადამიანებისათვის. თუ მამაკაცი ამისათვის მზადაა, თუ ის თქვენს გამო უარს ამბობს თავის ჩვევებზე, თავის პრინციპებზე, თავისი ცხოვრების ჩვეულ რიტმსა და მეგობრებზე. ის ცდილობს თქვენს გამო შეიცვალოს, შეცვალოს თავისი გეგმები, დაგითმოთ, დაგახარჯოთ თავისი დროის დიდი ნაწილი. ეცადეთ არ გადაამლაშოთ და ბოროტად არ ისარგებლოთ მისი გრძნობით. მამაკაცისთვის დიდი იმედგაცრუება იქნება, თუ ასეთი სიყვარული არ დაუფასდება.
ზრუნვა. ყველა მამაკაცს არ შეუძლია იზრუნოს ქალის კეთილდღეობისათვის (ეს არ გულისხმობს მატერიალური თვალსაზრისით ზრუნვას). როდესაც ის თქვენი სურვილების გამოცნობას ცდილობს, საშინლად განიცდის, თუ ეს არ გამოუვიდა;
იმედია, ეს "სიმპტომები" თქვენი რჩეულის ქცევებში ამოიცანით. თუმცა, როგორც ამბობენ, ქალმა უკეთ იცის სიყვარული, ვიდრე ნებისმიერმა მამაკაცმა. სიყვარულზე მას იდეალური სმენა აქვს, ბოლოს და ბოლოს, ის მას გრძნობს და ამისათვის არანაირი თვალსაჩინო ნიშნები არ სჭირდება. საჭიროა მხოლოდ სული და გული. დაუჯერეთ თქვენს ინსტინქტებს. ირწმუნეთ საკუთარი თავის და თქვენ შეძლებთ, მამაკაცში მაშინაც კი გააღვიძოთ სიყვარული, როცა ის ამისათვის მზად არ არის. ასე რომ, წინ ბედნიერი და სიყვარულით აღსავსე ცხოვრებისაკენ!
