მე ქართველი ვარ და როგორც ყველას

მე ქართველი ვარ და როგორც ყველას,
უსაზღვროდ მიყვარს ჩემი ქვეყანა,
კვლავ დამესიზმრა სამშობლოს გზებზე
სულ იები და ვარდი ეყარა...
ისევ მოვყვები საქართველოს გზებს,
არაგვზე თეთრი სქელი ნისლია,
მე დაჭრილი ვარ უიარაღოდ,
უსაქართველოდ არ შემიძლია...
საქართველოა ჩემი საუნჯე,
ჩემი ოცნება, ჩემი ხატება...
მე ქართველი ვარ, ქართველთა მოდგმა
და ქართველობა მეამაყება...