დავით დეფი - David Dephy



ქალი კამელიებით

(qali kameliebit)

1852 წელს პარიზში დაიდგა ალექსანდრე დიუმა-შვილის პიესა, მისივე რომანის მიხედვით შექმნილი, სახელწოდებით დამა კამელიებით.
მთავარი გმირი ქალი მეძავია, რომელიც ნამდვილ სიყვარულს გამოცდის და საკუთარი გრძნობების მსხვერპლი გახდება. პიესას უდიდესი წარმატება ხვდა და ფრაზა შესაბამის ვითარებაში იხმარება, ანუ მსუბუქი ყოფაქცევის ქალი რომელსაც სიყვარულში არ უმართლებს.
მაგრამ რატომ კამელია? და არა ნებისმიერი სხვა ყვავილი?
რატომ და XVIII საუკუნის შუა პერიოდში ერთმა იუზუიტმა მისიონერმა, ეს მცენარე აღმოსავლეთ აზიიდან ინგლისში ჩამოიტანა. (ყვავილს ულამაზესი იერი აქვს, ბოტანიკაში ჩაის ოჯახს მიაკუთვნებენ) მცენარე, ევროპის ჰავას ადვილად მოერგო და გავრცელდა. მისიონერს კი სახელად კამელი ერქვა, მაგრამ არსებობს ვერსია რომ მასში იყო შეყვარებული მსუბუქი ყოფაქცევის ლამაზმანი სახელად ქეთრინ მელვილი. იეზუიტი მისიონერისა და მეძავის შემდგომი ბედი უცნობია თუმცა ვარაუდი ჭეშმარიტებასთან ახლოა თუ ყვავილის სახელწოდებას კარგად დავაკვირდებით და დაშიფრულ საიდუმლოს ამოვიკითხავთ, რომლის დამშიფრავი სხვა არავინ იქნებოდა თუ არა თვითონ კამელი. ყვავილს რომ თავისი სახელი უბოძა ამაზე არავინ შეედავებოდა, მაგრამ იქნებდა ქალის სახელის აბრევიატურაც იქვეა, იმავე სიტყვაში, იმავე ამავე ასოებში ჩამალული KATHERIN ka MELVILL mel კამელია. თუ აბრევიატურის ამბავი დამთხვევა არაა, გამოდის რომ სიტყვათა თამაში მეძავი ქალისა და იეზუიტი მისიონერის სიყვარულის გამოა წამოწყებული, ასეთი საიდუმლო ყველა დროისთვის საინტერესოა. საინტერესო და მუდმივი.
ჩემი აზრით ალექსანდრე დიუმა-შვილს ეს ამბავი უნდა ცოდნოდა.
ისე დღეს, ვინმესთვის მშვენიერი ფსევდონიმი იქნებოდა ალექსანდრე დიუმაშვილი. რატომაც არა? ან ალექსანდრე დიუმაძე. სიტყვათა თამაშია, ყველაფერია დასაშვები.

ივლისი 2003 წ.



Loading...

ტექსტის სანახავად გაიარეთ რეგისტრაცია.