ქეთი ბერიაშვილი - არ იციან არაფრის ფასი
" არ იციან არაფრის ფასი, არც შემოდგომის ფასი არ იციან, ცნობენ, იციან მხოლოდ მზაკვრების ფასი, ფასეულს უფასოდ დასცინიან. მათ იციან, იცინიან, ამბობენ: მოსცლიათ ჭკუას გვარიგებენ გზა და გზა, დაგვსდევენ გვარიგებენ, თავისკენ გვიხმობენ, ენებს იხმობენ ამდენი მოხმობით, ესმოდეთ მაინც ცხოვრების რამე ან დღე ან ღამე. ასე აბუჩად იგდებენ ყვავილსაც რომელიც ყვავის, ყვავის ჩხავილსაც ვერ იტანენ, გონიათ წყევლის. არ იციან არც გაზაფხულის ფერების ფასი, ფერები რომელიც სიხარულისგან ჭკუაზე გვშლის, გულს გვიშლის, ფიქრებს არ გვიშლის, მზეს სხივებს უშლის, ნათებას არ უშლის, მაგრამ მაინც არ იციან გაზაფხულის ფერების ფასი, გონიათ ფარსი, ამაშია საქმის არსიც. " ქეთი ბერიაშვილი
