ლელა ცუცქირიძე - Lela Tcutcqiridze



იქნებ მითხრათ (საბავშვო სიმღერა)

(iqneb mitxrat - sabavsho simgera)

ვერ გავიგე, იქნებ მითხრათ,
როგორ მოდის თოვლი ციდან,
ან ფარფატა ფანტელები
როგორ ეფინება მიწას?

იქნებ ცაში დედა მთვარე
შვილ ვარსკვლავებს აბანავებს,
თეთრი საპნის თეთრი ქაფი
როგორც თოვლი, სივრცეს ავსებს?

იქნებ ღრუბლის თეთრ ბალიშებს
დაუდევრად პენტავს ქარი,
და ფთილები თეთრ ფიფქებად
ეფინება მიწას წამში?

ანდა ვერცხლის სერპანტინებს
ანაკუწებს წვრილად სიო,
მერე შობის წინა ღამეს
ფანტელებად დაგვაყრისო.

ვერ გავიგე, იქნებ მითხრათ,
როგორ მოდის თოვლი ციდან,
ან ფარფატა ფანტელები
რატომ ეფინება მიწას?

ეს ცოტა ხნის წინ იდო, სიმღერის გარეშე, ახლა შეგიძლიათ მოუსმინოთ:)
კომპ: ქეთი გაბისიანი



Loading...

ტექსტის სანახავად გაიარეთ რეგისტრაცია.