ისევ ეცვლება ფერი მსოფლიოს,
მცენარე ჰკარგავს თავის მეობას,
აქეთ ბალახი
იქეთ ფრინველნი
და იმართება დიდი ღრეობა..
მფეთქავ გულიდან სული მაღალი,
დღეს გამოუვალ ჩიხში მოექცა,
მოუძებნიათ რაღაც ახალი
ყველა გაჰყვირის ლხენა მოგეცათ..
*
პოეტებს შერჩათ მხოლოდ ფანქრები,
სულს არ ჰყიდიან მაინც გროშებზე,
იტყვი რამეს და, ისე მიდიან
არადა ფიქრი მოგკლავს სონეტზე..
თუკი მართლაც და მართლა ასეა,
ჩიტების ხმაში ვეძებთ აკორდებს,
ყოფნა არყოფნას ერთი ფასი აქვს
და შემზარავი სრული სიმართლე..
მერაბ სალუქვაძე – სახეშეცვლილნი –
