მერაბ სალუქვაძე – ჩემი ქუჩის ხეები –
– ჩემი ქუჩის ხეები –
დარში
ავდარში დგანან ხეები,
დგანან
იხვევენ ფოთლების ფიქრებს,
ცად აპყრობილი მწვანე ხელებით, ––
ევედრებებიან მზის სხივებს სითბოს..
იქნებ ზეციდან ითხოვენ შველას,
თუმცა დუმილით დგანან და დგანან..
მხოლოდ ქარის დროს იწყებენ ქშენას
და აჯანყებულ მერნებსა გვანან.
დარში
ავდარში დგანან ხეები,
დგანან
იხვევენ ფოთლების ფიქრებს..
