მოვედი...და მაინც გააბუტე,
ეს გული უშენობით
ნაწვალები,
მოდი, დღეს ისე ჩამეხუტე,
ზეციდან ცვიოდნენ
ვარსკვლავები.
შეხედე, შენთვის შემიყრია,
ზღვებში მოცურავე
ანკლავები,
მავანნი იტყვიან, შეშლილია,
იქნება წუხანდელი
ნამთვრალევი.
ყველას და ყველაფერს განვერიდე,
დღეებს მოლოდინში
ვაღამებდი,
ერთი გაღიმება, თუ მაღირსე,
მერე, უსათუოდ
დავწყნარდები.
ჩემი ლექსებია, რომ გამკობდნენ,
ცაში ჭექა-ქუხილს
გადარებდი,
წავედი...მშვიდობით,ხომ დაგტოვე
აფახულებული
წამწამებით.
ნანა სელეპანოვა - წავედი,მშვიდობით
