ნანა სელეპანოვა - როგორ არ მინდა



როგორ არ მინდა,
მაგრამ ჯიუტ გულს
სურს უფრო მეტი,
ვიდრე ლექსია,
მინდა მჯეროდეს,
რომ მოციმციმე
შენი თვალები
დღესაც მელიან.
როგორ არ მინდა,
გხედავდე ეულს
ჩემგან შორს მყოფო,
უფრთო თოლია,
ან ეს ტკივილი
რამ დამიამოს,
როს შენი ტრფობა
გულს ჩამყოლია.
როგორ არ მინდა,
მაგრამ ვერაფრით,
ვერ ამოვხსენი
ეს მისტერია,
ან ამ სიყვარულს
რა მოვუხერხოთ,
ვითომ არც იყო,
არც გვიგემია.



Loading...


თეგები: როგორ არ მინდა

ტექსტის სანახავად გაიარეთ რეგისტრაცია.