ბექა ხუციშვილის ლექსი - პატრიარქი

მამაო ჩვენო, ლოცვებით დაღლილს,
საქართველოსთვის დაგთენებია,
სიცოცხლის წლები, სასტიკად გარბის,
თვალები, ცრემლით დაგსველებია.

მამაო ჩვენო, ცრემლი დამიშრა,
ტირილი მინდა,ცრემლი არ მომდის,
ძარღვებში სისხლიც თითქმის გამიშრა,
ლოცვაც გულიდან აღარ ამომდის.

მამაო ჩვენო, დამძიმდა ლოცვა,
ერთად იტვირთე ცოდვები ერის,
ბედნიერია თვალები როცა,
შენდობას ითხოვს და შემოგცქერის,

მამაო ჩვენო,ცოდვების ტვირთვა,
ძალზე რთულია,ვინ-განმკითხველი?!
სიყვარულისთვის ცხოვრება ღირდა,
ხარ საქართველოს ჯვარის მტვირთველი.

მამაო ჩვენო,ლოცვები შენი,
გულგაბზარულებს მადლით გვიქარგავს,
საქართველოა სამშობლო ჩვენი,
ჩვენ, არაფერი არ დაგვიკარგავს.

ლოცვები შენი, ჩამესმის ზარად,
სულიც მიილტვის, ზეცად ფრენისთვის,
მამაო ჩვენო, ილოცე მარად,
ჩვენი სამსობლოს გადარჩენისთვის.