ნანა მეფარიშვილი - უნდა მოგიძღვნათ ტკივილი ესე



უნდა მოგიძღვნათ ტკივილი ესე

არ ვიცი, რამე თუ მტკივა მსგავსად,
მამული ჩემი ვინ წამიბილწა,
ქორფა ბიჭების სიცოცხლის ფასად,
რატომ ივსება ქართული მიწა?!

დამშრალ ძარღვებში დავიდებ ბინას,
ვერც დაგითვალეს გულდაჭრილები,
თქვენს უკანასკნელ სუნთქვას და გმინვას,
მკერდზე სწყდებოდა სიმწრის ღილები.

თავისუფლების მწარე ღვედები,
შეხსენით მამულს, ახლა კი ფრთიან
ანგელოზებად გიხმობთ დედები
და ბარძიმებში ხსოვნას გითვლიან.

მოგიძვნათ უნდა ტკივილი ესე,
უფლის ლაშქარში მდგარნო გმირებად,
რამდენჯერ ლექსად ამომაკვნესეთ,
თქვენი სიცოცხლის დასატირებლად.

დღეს კანდელები აანთეს ხატში,
ლოცვები წმინდავს სულის იარებს
და სისხლიანი აგვისტოს ხვატში,
იხმობენ ბიჭებს ღიმილიანებს.

არ ვიცი, რამე თუ მტკივა მსგავსად,
მამული ჩემი ვინ წამიბილწა,
ქორფა ბიჭების სიცოცხლის ფასად,
რატომ ივსება ქართული მიწა?!

/ნანა მეფარიშვილი/



Loading...

ტექსტის სანახავად გაიარეთ რეგისტრაცია.