ნანა სელეპანოვა - ყაჩაღობა ვერ მოიშალეს



დღეს ქურდობაზე დავიჭირე პოეტი ერთი,
გალაკტიონის "მესაფლავეს" სიტყვა ესესხა,
თურმე გრანელსაც,იმისათვის წასვლია ფერი,
როს გადაფრენილ ჩიტს ტოტებზე თავბრუ დაესხა.

ვინ ვის წაართმევს..ვინ დამდგარა უფლის წინაშე?
დგანან ძეგლები პოეტების ამის თავდებნი,
სხვა პოეტებმაც ყაჩაღობა ვერ მოიშალეს
და ზოგმა ლექსი გაგიძარცვათ,ზოგმა ფრაზები.

ბევრმა რეგვენმა დაგირღვიათ სულში სიმშვიდე,
ზოგმა სტრიქონი მოგტაცათ და ზოგმაც რითმები,
აფრიალებენ სამარცხვინო შავ- წითელ რიდეს,
თქვენს სიტყვებს ფრთიანს დახვევიან ახლა ჭიები.

სხვა პოეტები იქცევიან კეთილშობილად?
თუმცა თქვენს მიმართ მაინც ყველა ქურდი ყოფილა.



Loading...


თეგები: ყაჩაღობა ვერ მოიშალეს

ტექსტის სანახავად გაიარეთ რეგისტრაცია.