ჯანსუღ ჩარკვიანი - მე რომ პატარა ბილიკს შევნატრი ...



მე რომ პატარა ბილიკს შევნატრი,
ჩარიგებულად თეთრი ბჟოლები..
რა ახლო გზაა, კარგო, შენამდი
და მაინც ასე რად მეშორები..

შემომირბენდე ლურჯი ყანებით,
შემომირბენდე როგორც სტუმარი..
მომნატრებია შენი მკლავები,
ჩემი პატარა თავსასთუმალი..

მომნატრებია შენი სითეთრე..
მთელი სიტკბო და მთელი წვალება..
თვალები წყნარი როგორც სიკეთე,
და უეცარი ფერისცვალება..

მე რომ პატარა ბილიკს შევნატრი..
ჩარიგებულად თეთრი ბჟოლები..
რა ახლო გზაა, კარგო, შენამდი
და მაინც ასე რად მეშორები..

ჯანსუღ ჩარკვიანი



Loading...

ტექსტის სანახავად გაიარეთ რეგისტრაცია.