უმთვარო ზეცა სუნთქავდა ღამით,
ქუჩის ხმაური გმინვამ ჩაახშო,
წვიმის წვეთები დადუმდნენ წამით,
დაღლილმა მზერამ სივრცე გააპო.
სადღაც, შორს შენი მოვლანდე ლანდი,
ყელს მობჯენილმა ცრემლმა დამახრჩო..
შენს ნაფეხურებს წვიმა, რომ წაშლის
გზას გავუყვები უმისამართოდ.
მზე გავაჩუქე თვალებს,რომ მჭრიდა,
შენი ტუჩების დავკარგე გემო,
ბედნიერება თუ გამომცდიდა,
რას ვიფიქრებდი, ოჰ, ღმერთო ჩემო.
მზის სხივმა სევდის ძაძა ჩამაცვა,
ეს განშორებაც ლოთივით შევსვი..
დღეს მონატრებამ, ისე დამზაფრა
ვგრძნობ, ვერასოდეს ვერ შეგელევი.
გაზაფხულივით ჩავიცვავ მწვანეს,
გავხდები მზე და გავხდები მთვარე,
შენ არ იფიქრო ოღონდაც სხვაზე,
დავბრუნდები და თავს შეგაყვარებ.
და როცა ყველა იმედს დაკარგავ,
ოღონდ მინატრე, უმალ გავჩნდები,
მე სიყვარულით გულში ჩაგხატავ
და სამუდამოდ ჩემთან დარჩები.
ქუჩის ხმაური გმინვამ ჩაახშო,
წვიმის წვეთები დადუმდნენ წამით,
დაღლილმა მზერამ სივრცე გააპო.
სადღაც, შორს შენი მოვლანდე ლანდი,
ყელს მობჯენილმა ცრემლმა დამახრჩო..
შენს ნაფეხურებს წვიმა, რომ წაშლის
გზას გავუყვები უმისამართოდ.
მზე გავაჩუქე თვალებს,რომ მჭრიდა,
შენი ტუჩების დავკარგე გემო,
ბედნიერება თუ გამომცდიდა,
რას ვიფიქრებდი, ოჰ, ღმერთო ჩემო.
მზის სხივმა სევდის ძაძა ჩამაცვა,
ეს განშორებაც ლოთივით შევსვი..
დღეს მონატრებამ, ისე დამზაფრა
ვგრძნობ, ვერასოდეს ვერ შეგელევი.
გაზაფხულივით ჩავიცვავ მწვანეს,
გავხდები მზე და გავხდები მთვარე,
შენ არ იფიქრო ოღონდაც სხვაზე,
დავბრუნდები და თავს შეგაყვარებ.
და როცა ყველა იმედს დაკარგავ,
ოღონდ მინატრე, უმალ გავჩნდები,
მე სიყვარულით გულში ჩაგხატავ
და სამუდამოდ ჩემთან დარჩები.
