მორის ფოცხიშვილი - მზის სხივებს, შენს თმებში ჩაწნულებს



მზის სხივებს,შენს თმებში ჩაწნულებს
ვკოცნი და სიცოცხლეს ვლოცავ.
სხვა არა მინდა რა,გარწმუნებ, -
კოცნა და ...
კოცნა და ...
კოცნა...

ჯვარი ღვთისმშობელმა დამწერა,
ძველი სატკივარი მივლის.
სხვა არა მინდა რა,ამჯერად, -
ძილი და...
ძილი და....
ძილი....

გული მტევანივით დავწურე,
რაც მსურდა დავწერე თრთოლვით.
სხვა არა მინდა რა,გარწმუნებ, -
თოვლი და...
თოვლი და....
თოვლი......

მორის ფოცხიშვილი



Loading...

ტექსტის სანახავად გაიარეთ რეგისტრაცია.