ნანა მეფარიშვილი - გაზაფხულს პლიუს სიყვარული სიგიჟეს უდრის




ჩვენს აპრილს შარშან უხდებოდა სხვაგვარი ფარჩა,
შარშან, მეც ალბათ მზის-სადარი იმედით გწერდი,
სუყველაფერი მოგონების შრეებში დარჩა,
წელს ჩვენს აივნებს სულ სხვაგვარი გაუხდა ხედი.

შარშან რაც იყო, ჟინი ერქვა, სიგიჟე ანდა,
ჩვენი შემყურე გარეთ ნუშიც ბავშვივით კრთოდა,
ირგვლივ ყველა და ყველაფერი ლამაზი ჩანდა,
შარშანდელ აპრილს სხვანაირი ფერები ჰქონდა.

ჩვენ დავთმეთ გრძნობა შევატოვეთ აპრილის ბაღებს,
ვინ გაუძლებდა იმდენ წყურვილს წვიმის პეშვიდან,
გაზაფხულს პლიუს სიყვარული, უდრის ცის თაღებს,
ორივე ერთად სიგიჟეა, მართლა შეგვშლიდა.

ნანა მეფარიშვილი



Loading...

ტექსტის სანახავად გაიარეთ რეგისტრაცია.