ტარიელ ჩარქსელიანი - სიცოცხლე უნდა ქარიშხალს გავდეს



სიცოცხლე უნდა ქარიშხალს გავდეს,
მეხის გავარდნას გავდეს სიკვდილი,
მტერიცა გყავდეს, მოყვარეც გყავდეს,
მაგრამ არც ერთთან სჭამო სირცხვილი!

სიცოცხლე უნდა სიმღერას ჰგავდეს,
სანამდის გული შეწყვეტდეს ფეთქვას,
და თუ ცხოვრებას ვერ გაუმკლავდი
მაინც უნდა თქვა, რაც უნდა გეთქვა!

სიცოცხლე უნდა მადლობა იყოს,
ღვთისადმი შენგან კრძალვით მიძღვნილი,
ისე ლამაზად უნდა იცხოვრო,
მზის ჩასვლას უნდა ჰგავდეს სიკვდილი!

არწივი მუდამ სიმაღლეს ეძებს,
ამაყი კაციც სიმაღლით ფასობს.
ჭკვიანი ცხენი არ ირტყამს დეზებს,
მათრახს ის ირტყამს ვინც არაკაცობს!



Loading...

ტექსტის სანახავად გაიარეთ რეგისტრაცია.