მერაბ სალუქვაძის ლექსი - არ მიყვარდი



არ მიყვარდი

ჩვენ ხომ დავშორდით დღის გასაყართან,
თვალცრემლიანი დაგემშვიდობე,
მე არ მიყვარხარ! არც შენთან მინდა,
გთხოვ დამივიწყო, იქნებ გამშორდე.
მე აღარ მესმის შენი სიზმრების,
აღარც დანახვა მახარებს შენი,
ჰანგებმაც უკვე დაკარგეს სმენა
და დარაბებმა კარი ჩაკეტეს.
უკვე წავიდა ის დრო ნათელი,
ბალახმაც უკვე იცვალა ფერი
თვალი დაედგა ვით შემოდგომას,
და სიხარულმაც დაკარგა მცველი.
ჩვენ ხომ სიყვარულს ვეღარ გაუგეთ,
გაუგებრობა თან გვქონდა დიდი,
ასე ჯობია გთხოვ, რომ დავცილდეთ
და დავიწყებას თან მივცეთ ხიბლი.
ახლა შორიდან თვალს რომ მადევნებ
განა ვერ ვხვდები, იქნებ დაფიქრდე,
შემოგეპარა ბერწი სიბერე
გთხოვ დამივიწყო, იქნებ დამშვიდდე.
.
მე არ მიყვარდი არასდროს ვნებით,
არც მიხაროდა შენთან სიბერე
და საბოლაოდ, მე ახლა გეტყვი,
კარგად იყავი, შენივე ბედით..

მერაბ სალუქვაძე



Loading...


თეგები: მერაბ სალუქვაძე

ტექსტის სანახავად გაიარეთ რეგისტრაცია.