ნანა მეტრეველი - ქვეყნად რამდენი რამე იქმნება



ქვეყნად რამდენი რამე იქმნება,
ადამიანის გამრჯე ხელებით,
ხელებია რომ არ ისვენებენ,
ერთურთსაც ხელებით ვეფერებით.

რამდენნაირი ხელი არსებობს,
ხუთი თითი აქვს თუმცა სუყველას,
მაგრამ რამდენად გული გვაქვს თბილი,
ხელებსაც იგივ ქცევა უხდებათ.

უსაყვარლესი ჩვილის ხელები,
რომ გაუწვდია და დედას ითხოვს,
დედაც მაშინვე უსიტყვოდ ხვდება,
ხელებით აძლევს მას გულის სითბოს.

მერე გაგვყვება მთელი ცხოვრება,
სითბო ალერსი დედის ხელების,
დედისთვის მუდამ პატარები ვართ,
და მის ხელებსაც ვეღარ ველევით.

მოსიყვარულე წყვილის ხელები,
მოფერებას და სითბოს რომ ელის,
ხელი მეგობრის საიმედებლად,
გაჭირვების დროს გაწვდილი ხელი.

ხშირად შევხვდებით ხელებს გამოწვდილს,
ძირს დაცემული შველას რომ ითხოვს,
საბედნიეროდ კიდევ არსებობს,
გაწვდილი ხელი,უშველოს ძირს მყოფს.

არის ხელები უქონელისა,
ლუკმა-პურისთვის შველას რომ ითხოვს,
და არსებობენ სულ სხვა ხელები,
სხვის ნაშრომ ფულს რომ ჯიბეში იწყობს.

მერე შევა და ეკლესიაში,
პირჯვარსაც იგივ ხელებით იწერს,
ღმერთო მაღალო,შენ კი რამდენის
ხილვა,განცდა და მოთმენა გიწევს.

ისევ გაჭედებთ ხელებზე ლურსმანს,
ჩვენი უღირსი ბნელი ქმედებით,
მოვდივართ მერე და შველას შეგთხოვთ,
ღმერთო, ისევ შენ გვეიმედები.

უტკბილესია უფლის ხელები,
ჩვენი ნაჩხვლეტი ჯერაც რომ სტკივა,
მაგრამ არასდროს ხელს არ გაგვიშვებს,
ყველას შეგვინდობს, თუ მასთან მივალთ.

ნანა მეტრეველი



Loading...

ტექსტის სანახავად გაიარეთ რეგისტრაცია.