ანა კალანდაძე - თოვლიან მთების შორეულ კალთებს

👍 6

👎 -4

⏱️ 1 წთ. 👁️ 3 219

100%

თოვლიან მთების შორეულ კალთებს
ყოველდღიურად
მზის ჩასვლის შემდეგ ნათელი ადგას
მარადიული...
გოლიათები ჭექენ და ქუხან
წარსულის ფერფლით...
საქართველოზე მოდის მაჰმად-ხან,
ქუდზე კაცს კრეფენ...
ლაშქარს მიუძღვის ხმალჩაუგები
ერეკლე მეფე...
და იმ მთებიდან
მძიმედ ეშვება თორღვა მთიული...
თოვლიან მთებზე ნათელი დგება
მარადიული...

1959.

Facebook

ანა კალანდაძე - თოვლიან მთების შორეულ კალთებს

დატოვეთ კომენტარი