გაქვს ლამაზი თვალები

გაქვს ლამაზი თვალები,
მშვენიერი ტანი.
ტუჩზე გეალერსება
ჩამოშლილი თმები.
ვარ ათასი დეკემბრის
კიდევ გადამტანი,
ვთბები შენი ალერსით,
სიყვარულით ვთბები.
შენ რომ არა, დამზაფრავს
ტკივილი და სევდა,
ჩემი ბედნიერების
ხარ უშრეტი წყარო,
სხვას ვერაფერს ვერ ვამჩნევ,
სხვას ვერავის ვხედავ,
ყველგან შენ მელანდები,
ჩემო საფიცარო.
როგორ მინდა გჯეროდეს,
როგორ მინდა გწამდეს,
რომ ხარ ჩემი იმედი,
ჩემი ერთადერთი,
რად მინდოდა სიცოცხლე
შენ რომ არა მყავდე,
შენს ალერსად არ მიღირს
მთელი საქალეთი...
გაქვს ლამაზი თვალები,
მშვენიერი ტანი,
ტუჩზე გეალერსება
ჩამოშლილი თმები.
ვარ ათასი დეკემბრის
კიდევ გადამტანი,
ვთბები შენი ალერსით,
სიყვარულით ვთბები.