შენ ცდილობ იყო უფრო ქალური

შენ ცდილობ იყო უფრო ქალური,
რომ მერე ვნებით აღავსო მამრი.
მწვავს შენი ეშხი და სიყვარული,
მწამს შენთან ყოფნის წუთიც და წამიც.

მინდა, რომ მალე ვიქცეთ ერთხორცად,
შეშალოს სული სიამემ, ვნებამ...
მე საუკუნეც კი არ მეყოფა,
რომ დავივიწყო შენზე ოცნება.

ჩემი სიცოცხლე შენია მხოლოდ,
შენია სულიც - კერპი, თავნება...
მჯერა, რომ ჩემი იქნები ბოლოს,
რომ მიმატოვო, არა გაქვს ნება.

არა გაქვს ნება რომ სიყვარულით
დაღლილი გული დაწვა, დანაცრო.
შენ ცდილობ იყო უფრო ქალური,
ჩემი უძილო ღამის სანაცვლოდ.