სიყვარულისათვის უნდა მოვიცალო

სიყვარულისათვის უნდა მოვიცალო,
უნდა ვეახლოვო ქალაქს...
ისეც გაგვიღიმებს დღესაც მგონი ცაო,
სადმე მივიყუჟოთ, ქალავ.
მე მთისას გიამბობ და შენ თქვი ბარისაო,
ჩუმად დაგიკოცნი თვალებს,
ფიქრი ნუ გექნება მერე მთვარისაო,
არავისთან იტყვის მთვარე.

სიყვარულისათვის უნდა მოვიცალო,
უნდა ვინახულო ერთი,
ფიქრებს გამოვყევი ქალაქელო ქალო,
სადმე მივიყუჟოთ ჩვენთვის...