თვალებს გიკოცნიან ჩემი სიმღერები,
შენ,ჩემი ცხოვრების ერთავ,
პირიმზეს დაგიკრეფ და თმაში ჩაგაწნავ,
ვოცნებობ,მსურს ჩემი გერქვას.
ნისლებას გამოვატან ჩემს გულისტკივილებს,
სიმღერებს გიმღერებს ქარი,
ნაადრევ ენძელას შენს სახელს დავარქმევ,
ფიქრს ისე მოსწყურდა დარი.
შორს,მთებში ცისკიდე აანთებს ალიონს,
ფუტკარი ყვავილთან მივა,
და იის ცვარივით ჩემს წმინდა ოცნებებს
ექნება მზიანი დილა.
შენი მონატრების შორეულ ბილიკებს
დავლახავ,ვით შმაგი მოყმე,
თვალებს გიკოცნიან ჩემი სიმღერები,
მსურს,შენი მშვენებით მოვკვდე.
2012წ. 22 აგვისტო
