მომნატრებიხარ ბათუმო ჩემო

მენატრება ჩიხები და მენატრება ქუჩები,
მენატრება შეკრეჭილი მწკრივად შენი ბუჩქები
სისხამ დილით ალიონზე, ცვარიანი ბალახი,
ნაწვიმარზე შარვლის ტოტზე ბათუმური ტალახი.

მენატრება დილის ნისლში,გახვეული ქალაქი
ფართო ტროტუარებით და მოფუსფუსე დალაქით
აჭარული ხაჭაპური, ერბო კვერცხით, კარაქით
ბათუმური კათხა ლუდი, ხინკლითა და არაყით

მენატრები ქალაქური ყავის გემო-სურნელით
შენი სტუმარ-მასპინძლობით ,მუდამ იყავ სულგრძელი
მენატრები ინტელექტით, დახვეწილი შარმით
მენატრება შენთან ერთად, სეირნობა ღამით.

მენატრება ზღვის ტალღებზე მოფარფატე გემები
ძველ ბულვარში მოცურავე , გრძელკისერა გედები
მენატრება ზაფხულის თვის წვიმა შუა მაისის
ჰორიზონტზე გაწოლილი ჩამავალ მზის დაისი

მენატრება სავსე მთვარის, ნათლად ამონათება
ღამით ციცინათელებად, ცაზე ვარსკვლავთ ნათება
მენატრება შადრევნებთან, ცისარტყელას ცქერა
შემოდგომის გრილი სიო,ხიდან ფოთოლთ ცვენა.

მენატრება შენი მწველი, გამომწვევი მზერა
შენს თვალებში ვნებიანი, სიყვარულით ცქერა
მენატრება ჩემი ეზო,ჩემი სახლის კარი
ჩემ ფანჯრებთან მონაქროლი,ბათუმური ქარი.