ზანგური ბესო - არ მესმის ქვეყნად რისთვის მოვედი



არ მესმის ქვეყნად რისთვის მოვედი
ვისთვის ვათრიე ამხელა ტვირთი
ან ჩანაცვლება ჩემით სხვა სულში
უფალმა განგებ მოაწყო.ვღირდი?
არ ვიცი, ხვალ რა იქნება ანდა
რა იყო გუშინ... არ მინდა ფიქრი...
ან შემოდგომის გაცვეთილ ფოთლებს
რისი ან ვისი გულისთვის ვითვლი.
თქვენ ძვირფასებო ამა ქვეყნისა
მე მომიტევეთ თუ ჩემთვის ვიბრძვი
თუ თქვენს გონებას ჩემზე ფიქრები
აურევს აზრებს დილით რომ იცის.
მე ჩემს მომავალს აწყმოს ვუმალავ
ახლანდელ სიტყვებს ცოდვებით ვიმკი
და განაჩენის დრო როცა მოვა
ჩემი სათქმელი უფალმა იცის!
რომ შეგიწუხეთ გულები ვიცი!
რამდენჯერ უკვე თავად ვერ ვითვლი
სად მოგიტანოთ გრძნობები სხვისი
სასაკლაოზე რომ ურცხვად ითვლით...
ნუ შეგაშფოთებთ ეს გაავდრება
ჩემი სათქმელი მე უკეთ ვიცი,
მაგრამ გონება გულს რომ გაეყო
ეს მხოლოდ მე და განგებამ ვიცით.



Loading...

ტექსტის სანახავად გაიარეთ რეგისტრაცია.