რა იქნებოდა




რა იქნებოდა ვყოფილიყავი,
თეთრი ფრინველი ცისფერი ფრთებით.
ან მოტრფიალე თბილი ნიავი
და ეს სამყარო მომევლო ფრენით.

რა იქნებოდა ვყოფილიყავი
ის შემოდგომა სევდა-ნარევი.
ან ლურჯი ია, სადაც ის ყვავის,
ან ედემური თეთრი ვარდები.

რა იქნებოდა ვყოფილიყავი
ვინმე ქალწულის წმინდა ცრემლები,
უმანკო, ნაზი და ის მტირალი,
და მას მე შვებით ვანუგეშებდი.

რა იქნებოდა ვყოფილიყავი,
ცასთან სულ ახლოს, - სერაფიმული.
ან ანგელოზად ვშობილიყავი
და არ მეხილა დღე გაყინული.

რა იქნებოდა ვყოფილიყავი,
თეთრი ფრინველი ცისფერი ფრთებით,
და დავფრინავდეთ მე და ნიავი,
რომ ეს სამყარო გაგვევლო ფრენით.

ავტორი: მიხეილ ქაშიაშვილი



Loading...


თეგები: poezia

ტექსტის სანახავად გაიარეთ რეგისტრაცია.