ტერენტი გრანელი - ძვირფასო

ძვირფასო, ახლა მითხარი რა გსურს,
მე შენ მომეცი უწინ პირობა.
შენ იგონებდი შორეულ წარსულს
და როიალიც ჩვენზე ტიროდა.

მიქროდა წამი თანდათანობით,
სულის დაღუპვას ვგრძნობდი წინათაც.
შენ განშორებას უფრო ნანობდი
და თვალში თეთრი ცრემლი ბრწყინავდა.

ნელნელა წყდებოდა ფოთლები ხეებს
და სადღაც სდუმდა ხე გაძარცვული.
შენ იგონებდი გაფრენილ დღეებს
და თვალწინ გედგა ჩვენი წარსული.

ის არ ვიყავი, რასაც ელოდი,
ძვირფასო, ახლა მითხარი რა გსურს.
მე შეგამჩნიე _იცრემლებოდი
და როიალიც ტიროდა წარსულს.

ჩანდა ღრუბლისგან ცა გაძარცული,
იდგა მინასთან გღამე გვიანი.
შენ მოგაგონდა ჩვენი წარსული
და მომაჩერდი თვალცრემლიანი.

ძვირფასო, ახლა მითხარი რა გსურს,
მე შენ მომეცი უწინ პირობა.
შენ იგონებდი შორეულ წარსულს
და როლიალიც ჩვენზე ტიროდა.