ჩემი მსაჯული არის ზე ღმერთი



მე აღსარებას არ ვამბობ მღვდელთან,
ჩემი ღმერთია ჩემი განმსჯელი,
როცა პირისპირ წარვსდგები ღმერთთან,
მისთვის მექნება ჩემი სათქმელი.
რომ მომისაჯა სასჯელი ღმერთმა,
მარტომ ვაკეთო მუდამ საქმენი,
არ ვსაყვედურობ, შემინდოს ნეტავ,
მაგრამ ბევრი მაქვს მისთვის სათქმელი.
თქვენგან არ იცის ალბათ არცერთმა,
რა რიგ დიდია ჩემი განცდები,
არ დაგინდობენ, ეს იცის ღმერთმა,
თუ კი ოდესმე სწორ გზას აცდები.
მე ეს სიტყვები გავრითმე ლექსად,
თუმცა არ არის ჩემზე სათქმელი,
თუ გაგიკვირდათ, რა სჭირსო ნეტავ,
არ მეწყინება, მე ვარ ქართველი.
არ მოგერიდოთ, მითხარით ერთხმად,
უკვე დავანთე ბევრი სანთელი,
და თუ მეწყინა შენიშვნა თქვენგან,
აგერ გვერდზე მაქვს ცივი სასმელი.
ბედმა ოცნების ფრთები მომკვეთა,
იმედის ნაცვლად, დამრჩა ტკივილი,
მე ახლა ვდგავარ, ფიქრთა მორევთან
და აღარ მშველის აღარც ჩივილი.
ვერავინ შეცვლის ბედის განგებას
და მეც მივყვები ცხოვრებას რიდით,
ზღვა ოცნებების უცებ დანგრევას,
ვერ გაუძლებდა პოეტი დიდიც.
ჩემი ცხოვრების უიღბლო ფერთა,
უმისამართო ფიქრებში ვიბრძვი,
თუ კი დამტოვებს უიმედობა,
კვლავაც იმედის სხივისკენ ვილტვი.
მე ამ ცხოვრების უსამართლობას,
ვეღარ ავიტან, ეს კარგად ვიცი,
ბედნიერია, მხოლოდ ბავშვობა,
მე ვეღარასდროს ვიქნები მშვიდი.
ალბათ ოდესმე ჩემი დროც მოვა,
ღმერთთან წარვსდგები, ჩემი პერსონით,
კაცთა მოდგმამ, ხომ ნდობა ვერ ჰპოვა,
ვერც სიყვარულით, ალბათ ვერც ომით.
უსამართლობას ვერ გავექცევით,
კაცობრიობას არ ახსოვს დრონი,
მარადისობის კანონს ვერ შევცვლით,
ბოროტს კი მუდამ კეთილი სჯობნის.
ჩემი ცხოვრების გზა ციცაბოა,
და თუ ამიცდა ოდესმე ფეხი,
ვინ დამიდგება საყრდენად ნეტავ,
მხოლოდ და მხოლოდ მწამს, ისევ ღმერთი.
ყველა ცოდვილი სიმართლეს მალავს,
მე კი ჩემს ამბავს ალალად გეტყვით,
მონანიება ბევრი მინახავს,
მე კი უბრალოდ ჩემს წარსულს ვეტრფი.
როცა პირისპირ წარვსდგები ღმერთთან,
მე ჩემს ცხოვრებას პირნათლად ვეტყვი,
მე აღსარებას არ ვამბობ მღვდელთან,
ჩემი მსაჯული არის ზე ღმერთი.

ავტორი: eka1974



Loading...


თეგები: me agsarebas ar vambob mgvdeltan

ტექსტის სანახავად გაიარეთ რეგისტრაცია.