ენვერ სალაყაია - მწვერვალიდან მზე გადმოდგა ...

მწვერვალიდან მზე გადმოდგა,
ვარდზე აბრჭყვიალდა ნამი,
რა იქნება საუკუნე
აქ შეჩერდეს ერთი წამით.
ნიავს ფრთა ვინ შეუბორკა,
ზრახვები გაქვს ავზე ავი,
ზღვის სარკეში ჩაიხედე
და შეიცან შენი თავი.
ტალღა ნაპირს რომ აწყდება
იცის ტალღამ ბრძოლის ყავლი,
მერე ისევ მიიქცევა,
როგორც სისხლი გულზე გავლით.
მწვერვალიდან მზე გადმოდგა,
ვარდზე აბრჭყვიალდა ნამი,
რა იქნება საუკუნე,
აქ შეჩერდეს ერთი წამით