ენვერ სალაყაია - სათქმელ სიტყვის უთქმელობა ...

სათქმელ სიტყვის უთქმელობა
აღარ არის ტრაგედია,
თუ მღელვარე ოკეანე
გულში უხმოდ ჩაგეტია.
უსუსურად თქმული სიტყვა
ეს კი არის ტრაგედია,
თუ კი გულში სიმღერებმა
აღარც შემოგახედია.
შენი შუქი მარად მწვავდეს,
სულში მარად გრიგალობდე,
გულის კარი ვერ დაკეტო
მეც იმგვარად გიგალობდე.
მზე სუნთქავდეს ყველა ნერვზე,
მზით სუნთქავდეს სიტყვაც თქმული,
ყველა კოცნას აღებეჭდოს
ნატერფლებად გაზაფხული.
სათქმელ სიტყვის უთქმელობა
აღარ არის ტრაგედია,
თუ მღელვარე ოკეანე
გულში უხმოდ ჩაგეტია.