გალაკტიონ ტაბიძე ( ხომალდს მიჰყვება თოვლის მადონა ) " ლექსების კრებულიდან "

galaqtion tabidze galaktion tabidze xomalds mohyveba tovlis madona poezia leqsebi
ხომალდს მიჰყვება თოვლის მადონა

და ყვავილები გიიადონა.

შენთვის გაეკრა ჯვარზე იესო,

სულო, ჭაობზე უნოტიესო.

იდუმალია ჩვენი სერობა

და ღამეების ალმაცერობა,

რომ ოცნებები ცეცხლით გალესო,

სულო, იმ ცეცხლზე უმხურვალესო

დღეთა სინაზეს ედება კორძი...

ესე არს სისხლი, ესე არს ხორცი

და იდუმალი ლოცვა ბაგისა,

სულო, ლაჟვარდზე უსპეტაკესო.

ვარსკვლავი იგი - ფიქრთა საგანი,

ერთი უმრავლეს ვარსკვლავთაგანი,

აელვარდება ცაზე ოდესმე,

სულო, დემონზე უბოროტესო!

1922