ნოდარ დუმბაძე - ნუგეში (საბავშვო ლექსი)

nodar dumbadze nugeshi dumbadze nodar sabavshvo leqsi leqsebi bavshvebistvis leqsebi patarebistvis
ჩემს ბებოს ხუთი შვილი ჰყავს,
შვილიშვილი კი - ერთი.
ბებია ამბობს - ჩემს ბედში
არ ურევია ღმერთი.
ჩემს შვილებს ღმერთი არა სწამთ?
როგორ გავჩუმდე, როგორ?
ხუთ შვილზე ერთი ბადიში
და მერე, ისიც გოგო?
- ნუ გეშინია, ბებია,
რომ გავიზრდები, მაშინ
იმდენ შვილიშვილს გიყიდი
ვერ დაატიო სახლში.
ასი სათვალე გექნება,
ჩემო ბებია ოლღა,
ასი კაბა და თავშალი,
ასი ქუდი და ქოლგა.

შენ ოღონდ კარგად იყავი,
ნუ უჯავრდები მამას,
და ჩირსაც თუ არ მოგვაკლებ,
ჩვენც არ მოგაკლებთ ჭამას.