ნოდარ დუმბაძე - ასე ძვირად რად გაფასებენ

nodar dumbadze ase dzirad rad gafaseben dumbadze nodar sabavshvo leqsi leqsebi bavshvebistvis leqsebi patarebistvis
აღა-მაჰმად-ხან...
ყიზილბაშები...
ღამით კივილი შეშინებულ მეციხოვნეთა,
შლეგი ფრუტუნი ცხენთა ლაშების,
მაჰმადის ლანდი, მოლასლასე სვეტიცხოველთან.
ნამგალა მთვარე
და ზღვა ვარსკვლავთა _
ქართლის ლურჯ ცაზე მოკამკამე ასე აზიზად,
აღა-მაჰმად-ხან...
ჯარი კარავთა
და ხმალდაკრული ჯვარი ვაზისა.
დედა თბილისი...
გმირის ცრემლები...
და მაჰმად-ხანის ოქროთ ნაყიდი ციხის კარები.
დედა თბილისი...
მტკვარი, გლოვით ანამღერები,
ანამღერები გლოვით ზარები.
მიწა ქართული...
სისხლის მეწყერი...
კრწანისის ველი და სიკვდილის რაშით ტარება...
არც ერთი სახლი დაუნგრეველი.
დოლბანდიანი საჭურისის ახარხარება.
დედა თბილისო!
ნათელო მზისა!
და შენც, ქართულო მიწავ, ასევე,
ქართლს გადახედე და, თუკი იცან,
არ გაოცდები, ასე ძვირად რად გაფასებენ.