ჟღენტი ბესარიონ



ლიტერატურათმცოდნე ბესარიონ (ბესო) დავითის ძე ჟღენტი დაიბადა 1903 წლის 2 ივლისს. დაამთავრა თსუ ეკონომიური ფაკულტეტის იურიდიული განყოფილება (1926). 1932–37 იყო საქართველოს მწერალთა კავშირის პასუხისმგებელი მდივანი, კინოსტუდიის სასცენარო განყოფილების მთავარი რედაქტორი (1937–42), საქართველოს ლიტფონდის დირექტორი (1943–46), გამომცემლობა “ზარია ვოსტოკას ” მთავარი რედაქტორის მოადგილე (1946–51), საქართველოს მწერალთა კავშირის გამგეობის მდივანი (1958–76), შოთა რუსთაველის სახ. ქართული ლიტერატურის ისტ. ინსტიტუტის საბჭოთა მწერლობის განყოფილების ხელმძღვანელი (1964–76). კითხულობდა ლექციებს თსუ–ში. ფილოლოგიის მეცნიერებათა დოქტორი (1975). ლიტერატურული მოღვაწეობა დაიწყო 1922. იყო ” ფუტურისტ–ლეფელთა” ჯგუფის ერთ–ერთი ორგანიზატორი და თეორიტიკოსი. ბესარიონ ჟღენტის ლიტერატურული კრიტიკისა და სამეცნიერო გამოკვლევებიდან აღსანიშნავია თანამედროვე ქართული ლიტერატურის პრობლემებისადმი მიძღვნილი ნაშრომები, მონოგრაფიები და სხვა. მიღებული აქვს სახელმწიფო ჯილდოები.

გარდაიცვალა 1976 წელს. დაკრძალულია დიდუბის პანთეონში. თბილისში არის ბესარიონ ჟღენტის ქუჩა.



Loading...

ტექსტის სანახავად გაიარეთ რეგისტრაცია.