წერეთელი ერეკლე - Tsereteli Erekle
ერეკლე (ეკო) ვლადიმერის ძე წერეთელი დაიბადა 1889 წელს ჭიათურაში. იყო ცარისტული არმიის შტაბს-კაპიტანი და საქართველოს დემოკრატიული რესპუბლიკის ეროვნული არმიის პოლკოვნიკი. 1921-1924 წლებში გახლდათ ანტისაოკუპაციო, ეროვნულ-განმათავისუფლებელი მოძრაობის თვალსაჩინო მოღვაწე. იყო ეროვნულ-დემოკრატიული პარტიის წევრი. 1922 წელს დაინიშნა “დამკომი”-ს სამხედრო ცენტრის რწმუნებულად იმერეთში. პოლკოვნიკ სვიმონ წერეთელთან ერთად სათავეში ედგა იმერეთში 1924 წლის ეროვნული ამბოხებისთვის სამხედრო სამზადისს. ამბოხების სისხლში ჩახშობის შემდეგ, 1924 წლის 31 აგვისტოს დახვრიტეს შორაპანში.
