შენგელაია დემნა - Shengelaia Demna



სკოლაში მიაბარეს, შემდგომ კი ქართულ გიმნაზიაში გადაიყვანეს, რომელიც 1917 წელს დაასრულა. გიმნაზიის დამთავრების შემდეგ დემნა შენგელაია სწავლის გასაგრძელებლად მოსკოვში გაემგზავრა, მაგრამ რამდენიმე თვეში უკან დაბრუნდა და 1917-1919 წლებში, როგორც საქართველოს შეიარაღებული არმიის რიგით ჯარისკაცმა, მონაწილეობა მიიღო სამხრეთის ფლოტზე მიმდინარე საომარ ოპერაციებში, სადაც დაჭრილა კიდეც.
1920 წელს მან სწავლა გააგრძელა თბილისის უნივერსიტეტის სიტყვიერების ფაკულტეტზე, მაგრამ 1922 წელს სწავლას თავი დაუნებებია და აქტიურ ლიტერატურულ საქმიანობას შეუდგა. 1932 წელს დემნა შენგელაია სასწავლებლად შედის თბილისის პოლიტექნიკურ ინსტიტუტში გეოლოგიის ფაკულტეტზე. მიუხედავად იმისა, რომ იგი გატაცებით ეუფლებოდა ახალ სპეციალობას, მწერლობის დიდ სამყაროში უკვე სამუდამოდ ფეხშედგმულმა სამიოდე წლის შემდგომ მიანება სწავლას თავი და მთელი ძალა და ენერგია შემოქმედებით მოღვაწეობას დაუთმო.
სხვადასხვა დროს იგი იყო სამწერლო ორგანიზაციის პრეზიდიუმისა და ლიტერატურული ჟურნალ გაზეთების რედკოლოგიათა წევრი, "მწერალთა რესპუბლიკურ და საკავშირო ყრილობათა" დელეგატი, პროზისა და მთარგმნელობითი სექციების ხელმძღვანელი, გამომცემლობა "ზარია ვოსტოკას" მთავარი რედაქტორი, მეორე მსოფლიო ომის წლებში ფრონტული გაზეთის რედაქტორი...
აქტიური ლიტერატორული და საზოგადოებრივი მოღვაწეობისათვის დ. შენგელაია დაჯილდოებული იყო ორდენებითა და მედლებით. 1969 წელს იგი არჩეულ იქნა საქართველოს მეცნიერებათა აკადემიის ნამდვილ წევრად.
მწერალი დაკრძალულია დიდუბის პანთეონში.



Loading...

ტექსტის სანახავად გაიარეთ რეგისტრაცია.