ხუტა მიხეილის ძე ბერულავა (დ. 10 დეკემბერი, 1924, ზუგდიდი ― გ. 2004), ქართველი პოეტი.
დაამთავრა სოხუმის პედაგოგიური ინსტიტუტი, შემდეგ მ. გორკის სახელობის მოსკოვის ლიტერატურის ინსტიტუტი (1952). იყო გამომცემლობა "ნაკადულის" დირექტორი, ჟურნალ "ცისკრის" რედაქტორი. 1967-1979 წლებში გამომცემლობა "განათლების" დირექტორი. ლექსებს 1941 წლიდან აქვეყნებს, პირველი კრებული 1944 წელს გამოვიდა. პოპულარული გახდა სამამულო ომის გმირებისადმი მიძღვნილი მისი ლექსები ("ამხანაგო მიშაკოვ, ძმაო შალამბერიძევ", 1941; "ვარსკვლავეთს მოსწყდა ვარსკვლავი", 1945). ბერულავას პოეზია მრავალმხრივია("მამულიშვილთა მოსაგონარი", 1947; "უკრაინაში, დნეპრის წინაშე", 1949; პოემა "რუსული გული", 1950-1954), "სიმღერა ვარსკვლავებზე" (1953); საქართველოს წარსულს ეძღვნება ლექსების ციკლი "ვარძიის გზაზე" (1946), პოემა "კოლხური ლეგენდა" (1943-1955), "ამბავი თბილისის დაბადებისა" (1964). ბერულავა წერს ბავშვებისთვისაც, თარგმნის რუს და სხვა ეროვნების პოეტებს. ბერულავას ნაწარმოები თარგმნილია უცხო ენებზე. დაჯილდოებულია შრომის წითელი დროშისა და "საპატიო ნიშნის" ორდენებით.
დაამთავრა სოხუმის პედაგოგიური ინსტიტუტი, შემდეგ მ. გორკის სახელობის მოსკოვის ლიტერატურის ინსტიტუტი (1952). იყო გამომცემლობა "ნაკადულის" დირექტორი, ჟურნალ "ცისკრის" რედაქტორი. 1967-1979 წლებში გამომცემლობა "განათლების" დირექტორი. ლექსებს 1941 წლიდან აქვეყნებს, პირველი კრებული 1944 წელს გამოვიდა. პოპულარული გახდა სამამულო ომის გმირებისადმი მიძღვნილი მისი ლექსები ("ამხანაგო მიშაკოვ, ძმაო შალამბერიძევ", 1941; "ვარსკვლავეთს მოსწყდა ვარსკვლავი", 1945). ბერულავას პოეზია მრავალმხრივია("მამულიშვილთა მოსაგონარი", 1947; "უკრაინაში, დნეპრის წინაშე", 1949; პოემა "რუსული გული", 1950-1954), "სიმღერა ვარსკვლავებზე" (1953); საქართველოს წარსულს ეძღვნება ლექსების ციკლი "ვარძიის გზაზე" (1946), პოემა "კოლხური ლეგენდა" (1943-1955), "ამბავი თბილისის დაბადებისა" (1964). ბერულავა წერს ბავშვებისთვისაც, თარგმნის რუს და სხვა ეროვნების პოეტებს. ბერულავას ნაწარმოები თარგმნილია უცხო ენებზე. დაჯილდოებულია შრომის წითელი დროშისა და "საპატიო ნიშნის" ორდენებით.
